CHAPITRE XXXIIl

DE l’apOSTEME PESTIFEIIÈE, APPELLÉE BVnON OV BOSSE.

Or posons le cas que Nature ne s’est peu descharger par aucuns moyens et remedes susdits, mais plustosl par aposteme faite aux emonctoires, laquelle d’aucuns est appellée bubon pestiféré, d’autres la feosse, d’autres la peste ou fusée, et de Galien beste saunage et farouche*, et aux autres parties du corps , charbon , anthrax et carboncle. Donc nous dirons que la bosse est vne tumeur qui est en son commencement de forme longuette et mobile , et en son estât ronde ou pointue, et immobile, fixe et attachée fort profondément aux emonctoires, comme du cerueau à la gorge, du cœur aux aisselles, du foye aux aines : et est faite de matière plus crasse et visqueuse que le charbon, lequel est fait d’vne matière plus acre, bouillante et furieuse, faisant | escarre où ii s’arreste.

Au commencement que la fluxion de la bosse se fait, les malades disent sentir à l’emonctoire comme vne corde tendue, ou vn nerf dur, auec douleur poignante ; puis la matière s’assemble comme vne glande, et peu à peu et en brief temps s’engrossit et s’enflamme, et est accompagnée d’autres accidens dessus mentionnés.

Si la tumeur est rouge et se grossit peu à peu, c’est bon signe. Celle qui estliuide et noire, et tardiue à venir, est dangereuse. Aussi il y en a qui viennent promptement et d’vne grande

1 Galien, au liu. de Theriaca ad Pisonem.

furie , et ne tiennent la forme commune , c’est à dire que subitement deuiennent enflammées, auec grande tumeur et douleur intolérable , et telles sont communément mortelles.

On en a veu aussi qui tenoient de la couleur du cuir naturel, et sembloient estre vne tumeur œdémateuse, qui toutesfois faisoient mourir le malade aussi tost que celles qui estoient de couleur noire ou plombpe : parquoy il ne s’y faut fier.