CHAPITRE XXXVI
DESCRIPTION DV CHARBON PÉSTIPERÈ , ÈT DÉ SES CAVSÈS, SIGNÉS ÈT MAR- QVÉS.
Charbon pestiféré est vne petite tumeur ou pustule maligne , feruente et furieuse , faite cl’vn sang gros et noir, corrompu en sa substance , par transmutation de sang louable, de façon que le plus souuent ne peut estre régi ne gouuerné par jfature, parce qu’il peche en vne qualité maligne qui lui est inuincible. Il est de figure ronde et aiguë , et en son commencement . n'est point plus gros qu’vn petit grain de mil , ou vn pois , adhérant fort contre la partie immobile , tellement que le cuir de, dessus ne se peut enleuer de la chair de dessous : et croist promptement ainsi que fait la bosse, et quelquésfois plustost, aucunesfois plus tard,, selop que la matière est plus ou moins furieuse , auecques grande chaleur, ardeur, et douleur lancinante et poignante ^ comme pointes d’aiguilles, laquelle est très- cuisante et intolérable , principalement vers le soir, et la nuit plus que le iour , et plus lors que la concoction se fait en l’estomach que quand elle est faite : et au milieu apparoist vne -petite vessie, en laquelle semble estre contenue quelque sanie : et si on l’ouure, et qu’on descouure le cuir , on trouue au dessous la chair bruslée et noire , comme si vn ëharbon ardent y auoit esté appliqué , et pour cestB cause les anciens l’ont appelé Charbon. Et là chaii' d’entour est trouuée de diuerSé couleur, comme on voit en l’arc du ciel, à sçauoir, rouge, brune, perse, vio-
lette, plombée et noirastre, auec splendeur ou lueur estincellante, comme poix noire embrasée et enflammée , ayant pareillement similitude à vne pierre nommée Escarboucle , dont aussi aucuns lui ont attribué ce nom. Les vulgaires les appellent Clouds^ parce que la matière d’iceux cause douleur semblable comme si vn cloud estoit fiché à la partie.
Il y a aucuns charbons qui prennent leur commencement d'vn vlcere crousteux, sans pustule, comme si I on y auoit appliqué vn cautere potentiel ou vn fer ardent , de couleur noire , qui croist aussi subitement, et quelqUesfois plus tard , selon que la matière est plus ou moins maligne ,
; comme nous auons dit. Tous lesquels ; charbons pestiférés sont tousiours accompagnés de fiéure continue, et autres accidens fort cruels : eî semble au malade qu’il a vne grande chargé de plomb sur la partie charbonnière, et qu’elle soit estroittement liée (et véritablement ie le sçay pour l’auoir senti en mon corps) qui se fait à cause de la corruption et suffocation des esprits , et de la chaleur naturelle de la partie en laquelle est le charbon, dont souuentesfois s’ensuit défaillance de cœur, inquiétude, alienation d’esprits et furie, gangrené et mortification, et par conséquent la mort, non seulement de la partie, mais aussi de tout le corps, ainsi qu’on voit aussi souuent aduenir à l’aposteme pestiféré. Et à la vérité on peut dire que le charbon et la bosse sont comme cousins germains, lesquels ne vont gueres Tvn sans l’autre : et la maüere d’iceux ne différé seulement, sinon que celle de la bosse est plus crasse et visqueuse, et celle du charbon plus acre, boüillante, furieuse
436 LE vingt-qvatriéme livré,
et subtile , faisant eschare au lieu où il se sied , ainsi qu’auons déclaré cy dessus.
