CHAPITRE IL
Slrabo dit que les luifs , pour la confiliirc de leurs corps, souloienl \ser de bitiune, qui est vue poix liquide qui se prend en la mer llouge, prés Sodome.
Or bien à peine s’est-il trouué nation, tant barbare fust elle, qu’ils n’ayent embaumé les corps morts, non pas mesme les Scythes, qui semblent en barbarie auoir surpassé le reste des hommes. Car iceux, comme dit Hérodote , Mure quatrième de son Histoire, n’enterrent point le corps de leur Roy, que premièrement ils ne rayent mis en cire, après auoir curé le ventre et nettoyé , puis rempli de cypre concassé, d’encens, de graine de persil et d’anis , et en après recousu.
Deceste mesme chose les Ethiopiens se sont monstrés curieux , faisans leurs sépultures de verre, en ceste sorte : c’est qu’aprés qu’ils auoient vuidé et descharné iusques aux os , comme vne anatomie seiche , le corps de leurs amis défunts, ils les accous troient et lissoient de piastre, sur lequel ils iettoient après vne peinture qui approchoit du vif autant qu’il leur estoit possible : et ce fait , ils l’enfermoient dans vne colomne de verre creux. Le corps ainsi enchâssé apparoissoit au trauers le verre , sans rendre mauuaise odeur, et sans desagreer aucunement. Les plus proches parons le gardoientchez eux l’espace d’vn an, en luy faisans offrandes et sacrifices, et au bout de l’an le transportoient hors la ville au lieu desliné , ainsi que nous faisons aux cimetières , comme escrit le mesme Hérodote.
CHAPri'RE IIl.
Mais le soin g et curiosité est encore entré plus auant dedans le cœur des Egyptiens que de nulle autre nation, dont ils ont mérité grande loüange , s’estans monstrés tant affectionnés à la mémoire de leurs parens , que pour la conseruation d’icelle ils estoient coustumiers d’embaumer les corps tous entiers d’i 'eux en vaisseaux de verre diaphanes et lransparens,et les mettoient en lieu le plus honorable de leurs maisons, pour en auoir tousiours la mémoire deuant les yeux , et leur seruir d’aiguillon pour les stimuler de les ensuiure et imiter leurs vertus, à fin de ne degenerer et forligner de leur naturel et inclination.
Et d’axianlage seruoient iceux corps ainsi embaumés, de souuerains gages et asseurance de leur foy ; si bien que s’il estoit aduenu qu’aucun desdits Egyptiens eust affaire de quelque grosse somme d’argent, il ne failloit point delà trouuer à emprunter chez ses voisins sur le gage d’vn corps de ses parens , se tenans tous asseurés les créditeurs, que moyennant tel gage le débiteur manqueroit plustost de vie que de foy , tant ils auoient à cœur de retirer tel gage. Et si la fortune faisoit, et le malheur fust si grand , qu’aucun s’oubliast de tant en ses nécessités, que de ne vouloir ou sçauoir trouuer moyen de retirer son gage , il tomboit en tel deshonneur et infamie, qu’il n’eust pas esté bon à donner à manger aux chiens, et ne se fust osé monstrer en public : car on luy faisoit la huée comme l’on fait à vn loup ou vn chien enragé, et de liberté tomboit en vne ignominieuse
SVll LA MVMIE.
seruilude, comme ayant desauoüé et renoncé sa race et origine. Ce qui est tesmoigné par Claude Paradin , en la Préfacé du liure qu’il a fait des Alliances et Généalogies des Roys et Princes de la Gaule.
Pierre Messie en ses diuerses Leçons, chap. 8. escrit, que les anciens Romains auoient vne coustunie de brusler les corps morts , et que le premier des Sénateurs qui fust bruslé après sa mort , fut Sylla , et après luy plusieurs autres hommes notables et illustres ; les cendres desquels on gardoit dedans des vrnes ou vaisseaux de terre , puis on les posoit dedans les sepulcbres ou tombeaux sous terre , faits en voulte.
Les Grecs auoient aussi ceste maniéré de brusler les corps morts.
Stobée escrit que les Colches n’enterroient point leurs morts , mais les pendoient aux arbres.
Les Scythes d’Asie se seruoient pour boire de l’os du crâne de leurs parens et amis, enchâssés en or, pour en auoir tousiours mémoire : et entre tous leurs thresors et choses precieu ses estimoient lesdites tasses.
