CHAPITRE XXXI

DE l’art MAGIQVE.

D’auantage l’art magkjue se fait par le meschant artiOce des diables.

Or il y a de plusieurs sortes de magiciens : aucuns font venir à eux les diables, et interroguent les morts, lesquels sont nommés nécromanciens:

autres cheiromanciens , parce qu’ils deuinent par certains lineamens qui sont és mains : autres hydromancicns, par-ce qu’ils deuinent par l’eau : autres geomanciens , par-ce qu’ils deuinent par la terre : autres pyromanciens, qui deuinent par le feu : autres aëromanciens , ou augures , ou prognostiqueurs de la disposition future, par-ce qu’ils deuinent par l’air, sçauoir est par le vol des oiseaux , ou par tourmentes , orages , tempestes et vents. Tous lesquels ne font que tromper et abuser les incrédules, qui vont au recours à ces deuins, prophètes , maléfiques , enchanteurs : lesquels sus fous autres sont coustumierement opprimés de perpétuelle pauureté et disette, par-ce que les diables les engouffrent en vn abysme d’obscurité , leur faisans accroire mensonge estre vérité, par illusions et fausses promesses interturbées et insensées, qui est vne folie et insupportable bourbier d’erreur , et facétie. Il faut du tout fuir ces hommes, et les chasser loin par ceux qui connoissent la vraye religion , comme

fist anciennement Moyse par commandement de Dieu.

lean de Marconuille en son liure , Du recueil mémorable d’aucuns cas merueilleux aduenusde nos ans, escrit d’ vne deuineresse, sorcière de Boulongne la Grasse en Italie, laquelle après auoir long temps exercé son art diabolique, tomba en vne griefue maladie, dont elle flna ses iours. Quoy voyant vn magicien, qui ne l’auoit iamais voulu desaccompagner pour le profit qu’il tiroit du vivant d’elle de son art ; il luy mit vn certain poison venefique sous les aiscelles , tellement que par la vertu de ce poison , elle sembloit estre viuante, et se trouuoit aux compagnies comme elle au oit accoustumé, ne semblant en rien différer d’vne personne en vie , fors la couleur qui esioit excessiuement pâlie et blesme. Quelque temps apres il se trouua vn autre magicien à Boulongne , auquel il prit fantasie d’aller voir ceste femme , pource qu’elle auoit grand bruit, à raison de son art : lequel estant arriué à ce spectacle comme les autres pour la voir ioüer, tout subit s’escria disant : Que faites- vous icy, messieurs? ceste femme que vous estimez qui face ces beaux soubre-sauts et ieux de passe-passe deuant vous, c’est vnepuante et orde charongne morte : et tout soudain elle tomba en terre morte, de sorte que le prestige de Satan et l’abus de l’enchanteur fut manifesté à tous les assistans.

Langius en ses Epistres Médicinales », raconte d’vne femme possédée d’vn mauuais esprit, laquelle après auoir esté affligée d’vne cruelle douleur d’estomach, estant délaissée par

» Epislre 41. — a. P.

DÈS MONSTEES

les Médecins, subitement vomit des clous fort longs et courbés, et des aiguilles d'airain empaquetées auec de la cire, et des cheueux. Et en la mesme Epistre escrit , que l’an mil cinq cens trente neuf, au village nommé Tuguestag, vn certain laboureur nommé Vlrich Nenzesser, après auoir enduré vne cruelle douleur au flanc , luy ayant esté faite ouuerture d’vn rasoir , sortit vn clou d’airain : toutesfois les douleurs s’augmentèrent de plus en plus , et d’impatience se coupa la gorge : et ayant esté ouuert , on luy trouua dans l’estomach vn morceau de bois , long et rond , quatre cousteaux d’acier , desquels aucuns estoient aigus , les autres dentelés en maniéré de scie, et ensemble deux ferremens aspres , lesquels surmontoient la longueur d’vne demie coudée, auec vne grosse pelote de cheueux. Il est vray-semblable que toutes ces choses se sont faites par l’astuce du diable, qui deceuoit les assistans par leur veuë.

Encor depuis n'agueres i’ay veu faire à vn imposteur et enchanteur, en la presence du Roy Charles IX, et de Messeigneurs les Mareschaux de Montmorency, de Rets , et le seigneur de Lansac, et de monsieur de Mazille premier Médecin du Roy, et de monsieur de sainct Pris, valet de chambre ordinaire du Roy, plusieurs autres choses qui sont impossibles aux hommes de faire sans l’astuce du diable , qui déçoit nostre veuë , et nous fait apparoistre chose fausse et fantastique : ce que librement ledit imposteur confessa au Roy, que ce qu’il faisoit estoit par l’astuce d’vn esprit, lequel auoit encor temps de trois ans à estre en ses liens , et qu’il le tourmentoit fort : et promit au Roy, son temps venu et accompli, qu’il seroit

ET PEODKiES. 5}

homme de bien. Dieu luy en veuille donner la grâce : car il est escrit ; Tu n’endureras point mure la sorcière. Le Roy Saül fut cruellement puni , pour s’estre addressé à la femme enchanteresse. Moyse pareillement a commandé à ses Hebrieux , qu’ils missent toute peine d’exterminer d’autour d’eux les enchanteurs L