VOYAGE DV HAVRE DE GRACE

Encores ie ne veux laisser à parler du camp du Haure de Grâce. Lors qu’on faisoit les approches pour asseoir l’artillerie, les Anglois qui estoient dedans tuerent quelques vns de nos soldats, et plusieurs pionniers qui gabionnoient : lesquels lors qu’on voyoit estre tant blessés qu’il n'y auoit nulle esperance de guarison , leurs compagnons les despoüilloient , et les inettoient encores viuans dedans les gabions, (jui leur seruoient d’autant de remplage. Les Anglois voyans qu’ils ne pourroient soustenir vu assaut, par-ce (lu’ils esloient fort

ET VOYAGES

attainis de maladies, et principalement de la peste, ils se rendirent bagues sauues. Le Uoy leur fit bailler des vaisseaux pour s’en retourner en Angleterre , bien ioyeux d’estre hors de CO lieu infecté de poste. Il en mourut la plus grande part: et portèrent la peste en Angleterre , qui depuis n’en ont esté exempts. Le capitaine Sarlabous, maistre de Camp, y fut laissé en garnison , auec six enseignes de gens de pied, lesquels n’auoient nulle peur de la peste : et furent bien ioyeux d’y entrer, esperans y faire bonne chere.

Mon petit Maistre , si vous y eussiez esté , vous eussiez fait comme eux.

VOYAGE DE ROYEN. — 1562.

Or quant à la prise de Rouen , ils firent mourir beaucoup des nostres deuant l’assaut , et à l’assaut ; le lendemain mesme qu’entrasmes en la ville , i’en trepanay huit ou neuf qui auoient esté blessés à la broche , de coups de pierre. Il y auoit vn air si malin , qui estoit cause que plusieurs mouroient , voire de bien petites blésseures, de façon qu’aucuns estimoient qu’ils auoient empoisonné leurs balles. Ceux du dedans disoient le semblable de nous : car encore qu’ils fussent bien traités de leurs nécessités dedans la ville , ils ne laissoient point à mourir comme ceux du dehors.

Le Roy de Nauarre fut blessé quelques iours deuan t l’assaut d’ vn coup de boulet à l’espaule. le le visilay, et aiday à le pen.ser auec vn sien Chirurgien nommé maistre Gilbert , vn des premiers de Montpellier, et autres.

On ne peust Irouuer la balle: ie la

chercbay bien exactement , i’appercou par coniecture qu’elle estoit entrée par la teste de l’os du haut du bras , et qu’elle auoit coulé en la cauité dudit os , qui faisoit qu’on ne la pouuoit pas trouuer. La plus grand’ part la disoient estre entrée , et perdue dedans le corps. Monsieur le Prince de la Roche-sur-Yon , qui aimoit intimement le Roy de Nauarre , me tira à part , et s’enquist si le coup estoit mortel : ie luy dis que ouy , par-ce que toutes les playes faites aux grandes iointures , et principalement des playes contuses, estoient mortelles , selon tous les auteurs qui en ont éscrit. Il s’enquist des autres ce qu’il leur en sembloit, et principalement audit Gilbert : qui luy dist auoir grande esperance que le Roy son maistre guariroit, et fut ledit Prince bien ioyeux. Quatre iours après , le Roy et la Royne mere , et monsieur le Cardinal de Rourbon son frere, et monsieur le Prince de la Roche-sur-Yon , et monsieur de Guise , et autres grands personnages , après que nous eusmes pensé le Roy de Nauarre, voulurent faire faire vne consultation en leurs présences , où il y auoit plusieurs Médecins et Chirurgiens. Chacun en dit ce qu’il luy en sembloit , et n’y eut pas vn d’iceux qui n’eussent bonne esperance (disoient-ils) que le Roy guariroit :

et moy persistois tousiours au contraire. Monseigneur le Prince de la Roche-sur-Yon , qui m’aimoit, me retira à part , et me dist que i’estois seul contre l’opinion de tous les autres, et me prioit de n’estre opiniastre contre tant de gens de bien. le luy respons , que lors que ie connoislrois bons signes de guarison, iechangeroismon aduis. Plusieurs consultations furent faites , où iamais ne changeay de pu-

rôle, et prognostic (el que îe Taucis fait au proinier appareil, et disois toiisioursquele bras tomberoit en gangrené : ce qu’il fit, quelque grande diligence qu’on y peust mettre : et rendit l’esprit à Dieu le 18. ionrde sa blessure.

Monsieur le Prince de la lloche-sur- Yon, ayant entendu la mort dudit Roy, enuoya vers moy son Chirurgien et Médecin nommé le Féure, à présent Médecin ordinaire du Roy et de la Royne mere , me dire qu’il vouloit auoir la balle , et qu’on la chercbast à quelque endroit que ce fust.

Alors ie fus ioyeux , et leur dis que i’estois bien asseuré la trouuer bien tost : ce que ie fis en leurs présences, et de plusieurs gentils-hommes : elle estoittout au beau milieu de la cauité de l’os du haut du bras. Mondit seigneur Prince l’ayant, la monstra au Roy et à la Royne, qui tous dirent que mon prognostic estoit Irouué véritable. Le corps fut mis reposer au chasteau Gaillard : etie m’en retournay à Paris , où ie trouuay plusieurs malades qui auoient esté blessés à la breche de Roüen, et principalement des Italiens, lesquels me desiroient fort pour les penser : ce que ie fis volontiers. Il y en eu t. plusieurs qui guarirent, les autres moururent.

le croy, mon petit Maistre , que fustes appellé pour en penser quelques-vns, pour le grand nombre qu’il y auoit.