VOYAGE DE LA BATAILLE DE DREVX

Le lendemain après la bataille don née à Dreux», le Roy me commanda

d’aller penser mon, sieur le Comte d’Eu, qui auoit esté blessé d’vn coup de pistole à la cuisse dextre, prés la iointure de la hanche, qui auoit fracassé et brisé l’os femoris en plusieurs esclats , dont plusieurs accidcns luy suruindrent, puis la mort; qui fut à mon très-grand regret. Le lendemain que ie fus arriué, ie voulus aller au camp où s’estoit donné la bataille, pour voir les corps morts. le vis à vne grande lieue d’alentour la terre toute couuerte : on auoit en estime de vingt cinq mille hommes ou plus :

tout cela fut depesché en moins de deux heures.

le voudrois, mon petit Maistre, pour l’amour que ie vous porte , qu’y eussiez esté pour en raconter à vos escholiers et à vos enfans,

Or cependant que ie fus à Dreux , ie visitay et pensay grand nombre de gentils-hommes, et panures soldats, et entre les autres beaucoup de Capitaines suisses. l’en pensois quatorze estans en vne seule chambre , tous blessés de coups de pis tôles et d’autres instrumens à feu diaboliques, et n’en mourut pas vn des quatorze. Monsieur le Comte d’Eu estant mort , ie ne fis grand seiour à Dreux. Il vint des Chirurgiens de Paris, qui faisoienl bien leur deuoir vers les blessés , comme Pigray, Cointerct, Hubert , et autres : et ie m’en relournayàParis, où ie retrouuay beaucoup de gentils hommes blessés qui s’y estoient retirés après ladite bataille, pour estre pensés de leurs blessures , où ne fus sans en voir plusieurs.

La bataille fut donnée le 19 décembre.

KT VOYaOKS.

VOYACIÎ DIÎ I,A IIAÏAILI.R DE MONT- CONTOVK. — 1509.

Pondont la balaille de Monlcontour, le Roy Charles estait au Plessis lez loors , où il entendit l’auoir gaignée. Il se retira grand nombre de gentils-hommes et soldats en la ville et faiixboiirgs de ïonis, blessés, pour se faire penser et medicamenter : où le Roy et la Royne mere me commandèrent en foire mon deuoir, auec les autres Chirurgiens qui lors cstoient en quartier, comme Pigray, du Bois, Portail, et vn nommé Siret, Chirurgien de Tours , homme bien entendu en la Chirurgie, estant alors Chirurgien de Monseigneur frere du Roy :

et pour la multitude des naurés, n’estions gueres à repos, ny les Médecins pareillement.

Monsieur te Comte de Mansfeld, gouuerneur de la duché de Luxembourg, Cheualier de l’ordre du Roy d’Espagne, fut grandement blessé à la bataille, axi bras senestre, d’vn coup de pistolle qui luy rompit grande partie du coude , et s’estoit retiré à Bourgueil , prés Tours. Estant là,enuoya vn gentilhomme vers le Roy, le supplier bien affectueusement luy vouloir enuoyer vn de ses Chirurgiens pour le secourir de sa blessure.

Le conseil fut tenu quel Chirurgien .seroit qu’on y enuoyeroit. Mon.sieurle Mareschal de Montmorency dist au Roy et ù la Royne , qu’il seroit bon de luy enuoyer son premier Chirurgien , et leurremonstra que ledit .seigneur de Mansfeld auoit esté vue grande partie cause du’gain de la bataille. Le Roy dist tout à plat, qu’il ne vouloit que i’y allasse , et vouloit que ie demeurasse prés de luy. Adoncla Royne

mere luy dist que ie ne ferois qu’aller et venir, et falloit auoir esgard que c’estoit vn seigneur eslranger, qui estoit venu de la part du Roy d’Espagne pour son secours. Alors il me permit y aller, pourueu que ie reuin.sse bien tost. Adonc il m’enuoya quérir, et pareillement la Royne mere , et me commandèrent d’aller trouuer ledit seigneur Comte de Mansfeld , la part où il seroit, pour luy seruir en tout ce que ie pourrois faire pour la guarison de sa bles.sure. le l’allay trouuer, accompagné d’vne lettre de leurs Maiestés. L’ayant veuë , il me receut de bonne volonté , et desiors donna congé à trois ou quatre Chirurgiens qui le pensoient: qui fut à mon très-grand regret, par ce que sa blessure me sembloit estre incurable.

Or audit Bourgueil s’estoient retirés plusieurs gentils-hommes ay ans esté blessés à ladite bataille, sçaehans que Monsieur de Guise y estoit, qui auoit esté aussi fort blessé d’vn coup de pistolet au trauers d’vne iambe , et estans bien asseurés qu’il auroit de bons Chirurgiens pour le penser, et aussi qu’il est débonnaire et fort liberal, qu’il les assisteroit d’vne grande partie de leurs nécessités. Ce que véritablement foisoit volontiers , tant de leur manger et boire , que autres nécessités : et de ma part , de mon art estaient soulagés et aidés ; les vns mouroient, autres guarissoient, selon leurs blessures Le comte Ringraue mourut, qui auoit vn coup à l’espaule semblable à celuy qu’eut le Roy de Nauarre deuant Roüen. Monsieur de Bassompierre , colonel de douze cens chenaux , fut semblablement blessé de pareil coup et endroit que celuy de monsieur le comte de Mansfeld , que ie pensay, et Dieu le guarist. Dieu benist si bien

APOLOGir:

mon œuiire , que dans trois sepmaines ie les ramenay à Paris, où fallut faire encore (juelques incisions au bras dudit comte de Mansfeld , pour extraire les os qui esloient grandement fracassés, rompus, et carieux, Ilguarist par la grâce de Dieu, et me lit vn honnesle présent , de sorte que ieme contentay bien fort de luy, et 1-uy de moy, comme il m’a fait paroislre depuis. Il escriuit vue lettre à monsieur le duc d’Ascot , comme il esloit guari de sa blessure , et aussi monsieur de Bassompïerre de la sienne , et plusieurs autres que i’auois pensés après la bataille de Montcontour, qui luy conseilloit do supplier le Roy de France me permettre d’aller xoir monsieur le Marquis d’Auret son frere : ce qu’il fit.