LES SIGNES DES VLCERES
Selon la diuersilé et différence des vlceres , il y a aussi diuers signes.
Car lors qu’il y a pourriture , et que d’icelle sort vapeur felide et cadauereuse accompagnée de sordicie , c’est signe d’ vne vlcere putride. Ain si, vlcere corrosme est celle qui, par la malignité de sa maüere, ronge et consomme les parties qui luy sont voisines.
L’vlcere sordide est pleine de gros excremens et visqueux, auec vne chair molle , superflue et crousteuse.
Vlcere cauerneuse a l’orifice petit et estroit, avec profondité non apparente , et plusieurs anfractuosités de costé et d’autre , sans toutefois qu’il y aye callosité ny dureté.
L’vlcere fistuleuse est semblable à la susdite, sinon qu’il y a callosité et dureté des labiés et parois de la profondeur et cauernosité.
Vvlcere chancreuse est horrible à voir, ayant les léures dures et renuersées, de laquelle sort un virus puant et fetide, et quelquesfois du sang , et autour d’icelle sont les veines tuméfiées, comme nous auons monstré au chap. du Chancre.
Vlcere dyscrasiée est celle qui est accompagnée de quelque intemperature froide , chaude , humide ou seiche, ou compliquée d’icelles.
Vlcere cacoëthe est celle qui ne se peut guarir par remedes deuëment appliqués , à cause qu’il y a au corps , ou à la partie ulcerée , quelque cause occulte , de laquelle n’est possible donner raison, qui empesche la guarison.
Vvlcere rheumatique est lors qu’en la partie flue quantité d’humeur qui l’entretient , comme l’on voit en l’vlcere variqueuse , lors qu’elle est accompagnée de varices , c’est-à-dire grosses veines eminentes, tortues et anfractueuses , remplies de gros sang.
L’vlcere apostemateuse est celle à laquelle y a tumeur contre nature, comme phlegmon, erysipelas, œdema, scirrhe.
Vlcere cMronique est celle de laquelle Chiron le Centaure , homme bien versé en la connoissance des simples , a guari plusieurs par le moyen de l’herbe dite de son nom , Centaurium minus : ainsi que semble monstrer Dioscoride, chap. 7, liv. 5, ou bien pource que Chiron en a esté guari C Certes Galien, sur l’Aph. 22 de la 5. section, estime tels vlceres malins, et ne faire jamais suppuration louable : comme vlcere Telephien, de laquelle a esté affligé ïelephus.
