CHAPITRE XXVIII
DES PLAVES DE LA LANGVE
La langue est aucunesfois vulnerée auecques perdition de substance, et quelquesfois inciséeet fendue enlong, et autresfois en trauers.
S’il y a perdition de substance , iamais la piece ne peut estre reprise , pource que toute partie séparée du corps viuant, auec lequel elle estoit coniointepar vie, perd la vie enmesme instant. Or comme disent les Philosophes, à priuatione ad habilum non ft regressus : mais s’elle n’est qu’incisée en long, facilement est curée , en la réunissant auec cousture : et s’elle est incisée en trauers, et qu’il y ait encores quelque portion de sa chair pour bailler vie , il se faut bien garder la paracheuerde couper (pour l’excellence de son vsage) ; mais la conuient recoudre , en faisant les points d’aiguille dessus et dessous ; et la faut tenir fermement , pendant qu’on la coust, auec vn linge blanc, net, et délié , pource quelle glisseroitj d’entre les doigts , à cause de sa lubricité, ainsi que fait vne anguille : et coupe- 1 ras le fil le plus près du nœud qu’il te sera possible , de peur qu’iceluy ne soit mis entre les dents , lors que la langue se meut en la bouche : qui pourroit estre cause que les points seroient dilacerés et rompus : puis faut commander au malade qu’il mange orge mondé, lait d’amendes, gelée, coulis, pressis, œufs mollets et autres
1 Avant cet article, l’édition de 1561 en contient quelques autres sur les dents et les fractures du palais , qui ont été répartis au liv. XV, chap. 25, 26 , 27 , et au liv. xxi, chap. 2 et 3. L’article Des playes de la lan. (jue répond au verso du fol. 262.
choses semblables : et qu’il tienne souuent en sa bouche sucre rosat , syrop de coings, de cerises, jus de cefiscs confites, ou autres semblables confitures, pource que telles choses alimentent et nourrissent, et seruent de medicamens agglutinatifs.
Or ie te puis asseurer qu’oncques n’ay veu en aucun liure ce que ie t’escris de la langue , ny ouy d’aucun précepteur : mais ie l’ay pratiqué deux fois, comme tu orras à présent.
Un iour fus appellé en la maison de défunt Monsieur Couët, aduocat en Parlement , pour penser vn sien fils , aagé de trois ans ; lequel tomba le menton sur vne pierre , et se coupa de ses dents bonne portion de l’extremité de sa langue , et ne tenoit qu’à bien peu de chair ; et ayant peu d’esperance qu’elle se peust reünir, cuiday paracheuer la luy couper, mais toutesfois auec vn très-grand regret, veu que puis apres n’eust peu parler:
qui me fist différer, connoissant que quelquesfois Nature fait des choses admirables , et que la lan gue est d’ vne chair fongueuse, laxe et spongieuse ; aussi qu’elle n’est suiette aux iniures extérieures de l’air. Adoncques luy fis deux points d’aiguille, l’vn dessus, et l’autre dessous , et commanday à la mere dudit enfant qu’elle eust à le nourrir des alimens prédits : et vous puis asseurer qu’en peu de iours l’enfant fust parfaitement guari , et à présent parle très bien.
Un cas semblable arriua vn peu de temps apres , au fils de monsieur de Marigny, President aux Enquestes, qui fust semblablement guari *.
1 Cette deuxième histoire n’est rapportée pour la première fois que dans l'édition de 1575; les autres se trouvent déjà dans celle de 1561.
DES PLAYES EN PARTICVLIEB
le puis narrer vn cas pareil aduenu depuis n’agueres à vn charpentier, homme de bien en son estât, nommé maistre lean Piel, demeurant aux faux- bourgs saint Germain des Prés , lequel tomba d’assez haut sur vne pièce de bois , et se coupa aussi Pextremité de la langue , et subit vint vers moy pour la luy paracheuer de couper, parce qu’elle ne tenoil qu’à peu de chose : ce que ne luy voulus accorder, veu l’experience que i’en auois faite auparauant. Doncques la luy recousis , et peu de iours apres fust pareillement guari auecques les remedes susdits.
Parquoy ces choses entendues au ieune Chirurgien , faut qu’il traite bien (s’il n’a meilleur moyen) les playes de la langue en la façon dite, et honneur et profit luy en aduiendraC
