CHANT ROYAL DB LA CONCEPTION

Dedans Syon, au pays de Judée, Fut un débat honneste suscité Sur la beauté des dames, collaudée Diversement par ceulx de la cité, Et sans faveur de maison ne de race Fut dict que celle ayant le plus de grâce Seroit plus belle. « Or sommes hors de peine, (Dit lors quelc^un) car Marie en est pleine, Pleine en sa forme et pleine en ses esprits. Que ces procès donques plus on ne meine : Seule mérite entre toutes le prix. »

.Geste sentence, à son honneur vuydée, Maintes en meit en grand' perplexité, Qui pour envie et gloire oultrecuydée Nouveau débat contre elle ont excité.

A leurs honneurs veulent qu'on satisface Si ont requis que chanter on la face, Disant qu'elle a Torgane mal sereine, Parquoy n'estoit en vertu souveraine.

Bref, de la voix toutes ont entrepris La surpasser d'autant que la Sereine Seule mérite entre toutes le prix.

Lors chascune a sa chanson recordée

D'un estomach par froid débilité ;

Mais ceste vierge en voix mieulx accordée

Que orgues ne luz, chanta ce beau dicté ;

« Brunette suis, mais belle en cueur et face,

Et si en tout toutes autres j'efface.

Ce bien m'a foict la puissance haultaine

Du Dieu d'aymer, qui de sa court loingtaine

M^est venu veoir, d'ardante amour espris.

Doncques non moy mais sa bonté certaine

Seule mérite entre toutes le prix. »

La voix qui est de ce corps procedée

Perça d*Enfep Torde concavité ;

Des neuf cieulx a lahaulteur excédée

Par son hault ton, plein de suavité,

Qui fut ouy au monde en toute place ;

Mort endormit ; dormans plus froidz que glace

J^, resveiliez; povre nature humaine,

Gisant au lict, se levé et se pourmaine,

Du grand soûlas qu'en ceste voix a pris.

Certainement, qui tel bien luy amaine

Seule mérite entre toutes le prix.

Lors Tassistence en raison bien fondée Sur cbamp conclud (et conclud vérité) Qu'impossible est telle voix redondée Estre d'organe ayant impurité ; Mesmes Envie à la fin s'accorde à ce, Et refraingnit à ce chant son audace, Mieuix que Pluton sa fureur inhumaine *Au chant d'Orphée en l'infernal dommaîne. Donc, estomachz de froidure surpris.

Quand chanterez, chantez : « Marie saine Seule mérite entre toutes le prix. »

ENVOT

Le divin verbe est la voix et alaine Qui procéda d'organe non vilaine.

C'est de Marie, où tous bien sont compris ; Dont de rechef ce refrain je rameine : « Seule mérite entre toutes le prix. »