DU CONFIGT EN DOULEUR

Si j'ay du mal, maulgré moy je le porte; £t s'ainsi est qu'aucun me reconforte, Son reconfort ma douleur point n^appaise ; Voylà comment je languis en mal ayse, Sans nul espoir de liesse plus forte.

Et fault qu^ennuy jamais de moy ne sorte. Car mon estât fut faict de telle sorte Dès que fuz né ; pourtant ne vous desplaise Si j'ay du mal.

Quant je mourray ma douleur sera morte; Mais ce pendant mon povre cueur supporte Mes tristes jours en fortune maulvaise, Dont force m'est que mon ennuy me plaise, Et ne fault plus que je me desconforte Si j'ay du mal.