LB RICHE EN POVRETÉ 9S

Aucun de vous en la vie mondaine, Ains cognoistrez qu'afQiction, qui nuit Aux desvoyez, nous est cho<e tressaine.

Que ce fol monde hault et bas se demaine, Et qu'à son vueil il se tourne et tempeste ; Quant est à nous, ne soit si forte peine Ne si dur mal qui nous griefve ou moleste ; Tout nostre esgard soit mis en lieu céleste. Où nostre bien et vray plaisir est pris. Là tout nostre heur et repos soit compris ; Là pleinement chascun de nous se fie ; Là, quand de mort çà bas seront surpris, Nous trouverons une éternelle vie.

Pour feire fin de rechef je vous prie ï)e suivre Christ, non en vaine apparence ; Mais, ayans foy de charité munie, Mettez en luy toute vostre espérance :

Ne craignez point, o divine semence, Si quelque mal çà bas vous vient troubler, Ains fault alors les forces redoubler De vostre esprit, et, selon le précepte, (Si vous vouiez à Jésus ressembler) Priez qu'en tout sa voulunté soit faicte.

LA MORT nV mord.