CHANT ROYAL DONT LE ROY BAILLA LE REFRAIN (153'2J
Prenant repos dessoubz un vert laurier,
Après travail de noble poésie,
Un nouveau songe assez plaisant, l'autrehier
Se présenta devant ma fantasie,
De quatre amans fort melancolieux.
Qui devers moy vindrent par divers lieux :
Car le premier sortir d'un boys j'advise ;
L'autre d'un roc ; celuy d'après ne vise
Par où il va; l'aultre saulte une claye ;
Et si portoient tous quatre en leur devise :
« Desbender l'arc ne guerist point la playe. »
Le premier vint tout pasle me prier De luy donner confort par courtoysie.
« Poursuyvant suis :dit-il) dont le crier N'est point ouy d'une que j'ay choisie. Elle a tiré de l'arc de ses doulx yeulx Le perçant trait qui me rend soucieux.
Me respondant (quand de moy est requise) Que n'en peult mais; et sa beauté exquise De moy s'absente, affin qu'en oubly l'aye. Mais pour absence en oubly n'est pas mise : Desbender l'arc ne guerist point la playe. »
L'autre disoit, au rebours du premier :
« J'ay bien assez, et ne me rassasie :
Car servant suis de jouyr coustumier
De la plus belle et d'Europe et d'Asie.
Ce neantmoins Amour trop furieux
D'elle me faict estre trop curieux,
Avant qu'avoir la jouyssance prise.
Ainsi je suis du feu la flamme esprise,
Qui plus fort croist quand estaindre on l'essaye
Et congnois bien qu'en amoureuse emprise
Desbender l'arc ne guerist point la playe. »
Après je vey d'aymer un viel routier,
Qui de grand cueur soubz puissance moisie
Chanta d"ainours un couplet tout entier,
Louant sa dame et blasmant jalousie,
Dont les premiers ne furent envieux :
Bien luy ont dict : « Vieil liomme entre les vieux,
Comment seroit ta pensée surprise
D'aucune amour, quand le temps, qui tout brise,
T'a desnué de ta puissance gaye?
— J'ay bon vouloir (respond la teste grise) ;
Desbender Tare ne guerist point la playe. »
D'un rocher creux saillit tout au dernier Une ame estant de son corps dessaisie, Qui ne vouloit de Charon nautonnier Passer le fleuve. 0 quelle frénésie!
Aller ne veult aux champs délicieux, Ains veult attendre au grand port stigieux L'ame de celle où s'amour est assise, Sans du venir scavoir l'heure précise.
Lors m'esveillay, tenant pour chose vraye Que puis qu'amour suyt la personne occise, Desbender l'arc ne guerist point la playe.
Prince, l'amour un querant tyrannise ; Le jouyssant cuide estaindre, et attise; Le viel tient bon, et du mort je m'esmaye. Jugez lequel dit le mieux sans fainctise : « Desbender l'arc ne guerist point la playe. »
