CHANSON VII

Celle qui m'a tant pourmené A eu pitié de ma langueur :

Dedans son jardin m"a mené, Où tous arbres sont en vigueur ; Adonques n'usa de rigueur :

Si je la baise, elle m'acolle ; Puis m'a donné son noble cueur, Dont il m'est advis que je vole.

Quand je vey son cueur estrc mien.

Je mys toute crainte dehors,

Et luy dys : « Belle, ce n'est rien,

Si entre voz bras je ne dors, »

La dame respondit alors :

« Ne faictes plus ceste demande :

Il est assez maistre du corps,

Qui a le cueur à sa commande. »