UEL'TENANT POUR LE ROY PAR DELA LES MONTS
( lo;.4)
Verlu qui est de Theur acompaignée (Prince sorly de royalle lignée^ C'est la seurté de victoire et d'iioneur : Or t'a doné le souverain donneur Et l'un et l'aullre : il t'a doné fortune A ta vertu prospère et opportune ; Vertu qui rien de jeunesse ne sent.
Vertu chenue en aage adolescent, Qui ne sera 'comme je croy) trompée De la Fortune adverse de Pompée.
Ainsi, ayant ce que Csesar avoit, Qui est celluy qui à l'œil bien ne voit Qu'impossible est qu'en armes ne lïmites, Et que (partant) passeras ses limites?
L'arbrisseau franc qui florist et boutone D'en veoir le fruict espérance nous donne ; L'effect récent de tes premiers effors De tes liaulx faictz advenir nous fait fors, Qui puis un peu, en la plaine campaigne, Rompis l'armée et la gloire d'Espaigne, En fouldroyant de tes robustes mains Numbre infmy d'Espaignolz et Germains; Qui de leurs corps as la terre couverte, Et de leur sang feis rougir l'herbe verte ; Qui feis fuyr, de paour plus froit que glace, Le vieil marquis devant ta jeune face,
64 EPISTtiE ENVOYÉE
Puis ramenas, sans faire pertes grandes, Dadms ton ost les marlialles bandes Et les souldardz loyaulx et non mutins, Souillez de sang et riches de butins ; Oui tost après chassas Petre Columne De Carignan, dont méritas corone De verd laurier. Bien la mérites certes, Veu que tu es le recouvreur des pertes Qu'a eu (helas !) en la terre italique Depuis vingt ans la nation gallique.
G"est luy, c'est Im', n'en soyez mal contens, Yieulx conducteurs, qui seul depuis le temps Nous a gaigné et bataille et journée.
Courage, enfans, car la chance est tournée ! L"heur d'Hannibal par la fatale main De Scipion, le jeune enfant romain, Fut destourné : par prince de mesme aage Se tourne l'heur de Charles en dommaige ; Entrer voyons noz bones destinées, Et prendre fin les siennes déclinées.
Dessoubz Bourbon fut son heur commencé : Dessoubz Bourbon s'en va desadvancé.
0 Roy, aussy ton propre nom il porte, Et par Françoys Françoys en mainte sorte Sera vangé. 0 Roy de grand renom, Bien aultre chose ha de toy que le nom : Il ha de toy la saige hardiesse ; Il ha de toy au combat la proesse; II ha de toy (Nature ainsi le veult) Je ne sçay quoy, qui nommer ne se peult, Dont attirer il sçait les cœurs des hommes, Et à bon droict souvent ton filz le nommes.
A toy, donc, Roy, à toy doncques ne tienne : Qu'entre tes mains la possession tienne Ke mette en bref; soyt tousjours ta main prompte A soustenir sa fortune qui monte.
Et toy qui tiens aux Itales son lieu, Palas prudente, et Mars le puissant dieu, Te doint finir ton œuvre commancée.
S'ainsi advient, sortez de ma pensée, Tristes ennuictz, qui m'avez fait escrire
A MONSIEL'n d'ANGUYEX (w
Vers doloureux. Arrière ccslc lire Dont je chantois l'amour par cy devant ! Plus ne m'orrez Venus mettre en avant, Ne de flageol soner chant bucolique, Ains soneray la trompeté bellique D'un grand Virgile, ou d'Homère ancien, Pour célébrer les haultz t'aictz d'Anghien, Lequel sera (contre fortune amere) Nostre Achiles, et Marot son Homère.
