PRIS ET EXTRAICT DU DIXIEME CHAPITIIE DE S. JEHAN

Près de Paris vostre grande cité, Sire, je fus, le karesme, incité D'aller aux champs entendre le propos Du bon Pasteur, aimant Taise et repos De ses brebis, lequel paist mesinement Le sien bestail par bon nourrisseinent.

Lors un j'en vei, ^ur un tertre monté, Oue Charitable Amour avait dompté, Songneusement gardant son petit nombre, Qui là estoit tappi à terre en l'ombre, Et le paissoit de l'Escriture Sainte, Disant ainsi par parole non fainte :

« Petit troupeau, vous n'avez donc plus cure D'estre repeu de l'humaine pasture.

Ayant oay la joyeuse nouvelle De ce pain vif qui rend l'ame immortelle, Du haut du ciel icy bas descendu.

Pour estre à tous les humains espandu, Qui vous a faict ce haut bien et cest heur D'ouir la voix de vostre bon Pasteur, Qui est entré dedans la Bergerie Pour le salut de la brebis perie, La restaurant de si doux pasturage, Que d'un mauvais il fait un bon courage.

C'est luy qui est vérité, vie, et voye Où nul vivant ne s'esgare ou fourvoyé.

C'est la clarté qui le monde illumine, Que nulle nuict ne ténèbre extermine.

C'est luy qui est l'eau vive et souveraine Qui dans le cueuv faict sourdre une fontaine