DE MESSIRE JEAN COTEREAU, CHEVALIER SEIGNEUR DE MAINTENON

Celluy qui gist cy dessoubz consommé Chevalier fut, Jean Gotereaa nommé, Qui en jeunesse eut un si grand bonheur, Qu'il deceda plein de biens et d"honneur. En ce bonheur fortune favorable Le feit servir soubz estât honorable Un noble duc, qui après grand' souffrance Au chef porta la couronne de France.

Ce fut Loys, de ce nom le douziesme, Que le defunct suyvit en peine extrême Par tout, au pis de ses adversitez, Puis se sentit de ses prosperitcz ; Car estant Roy (en bonne et voluntaire Recongnoissance) il le feit secrétaire Et trésorier des finances royales, Pour le loyer de ses vertus loyales.

Le maistre mort, le servant souspira, Et pour repos dèslors se retira Icy chez luy, oii par dévote emprise Fonda, bastit et doua ceste église.

Ses bons subjectz il voulut fréquenter.

Et leur apprint à semer et enter Commodément, et à rendre fertile Ce qui cstoit désert et inutile, En leur faisant apporter de maint lieu Arbres divers. Puis mourant dict adieu A ses cnfans, qui sur luy ont posée Ceste epitaphe, et la tumbe arrosée De larmes d'oeil par naturel devoir.

Devant sa mort des ans pouvoit avoir Soixante et douze. 0 longue vie et belle, Ta longueur soit devenue éternelle !