LA COMPLAINCTE

L'un, que tourment poursuit et importune, Va complaic^nant sa mauvaise fortune ; L'autre qui est d'aigre douleur blessé, Va souspiraut de se veoir deschassé ; Si qu'on devroit avoir grande pitié En regardant de leur mal la moytié.

Et moy, ô Pan, qui fais cette complainte, Ma personne est de douleur tant alteinle Que je ne sçay si je doy regretter Mon dur ennuy, ou mon bien souhaiter : Car autant m'est fascheux à recevoir Un seul plaisir, que mon mal concevoir. C'est à bon droicl, puisque ton labourage Je voy perdu par ce cruel orage, Que seulement ne nous porte grevance, Mais (qui plus est) il destruit ta semence.

Jusquesà quand, ô Pan grand et sublime, Laisseras tu ceste gent tant intime, Et faux pasteurs parjures et mesclians, Dessus trouppeaux dominer en tes champs? Jusques à quand, ô Pan tresdebonnaire, Permettras-tu ceste gent nous mal faire. Et que tousjours en ce poinct ils deschassent Geulx qui ton loz et ta gloire pourchassent ?

J'ay veu le temps, ô Pan, que je soulois Aller louant ton grand nom par les bois; J'ay veu le temps que ma joyeuse muse Me provoquoit sus douce cornemuse Dire tes loz et tes bontez aussi ; Mais à présent tant plein suis de soucy. De tant d'ennuys, de travaulx et d'encumbre, Que je ne puis t'en reciter le numbre, Tant que de dueil je laisse ma houlette, Et en un coing je jette ma musette.

Mais dessus tout accroisl ma passion Le dur regret que j'ay de Marion, Qui est, ô Pan, ton humble bergerette,

L'un va plaignant ses gras beufs délaissez Parmy les champs, et moulons engraissez; L'autre par dueil cjntinuel regrette D'avoir laissé sa petite logette ;

d'un PASTOUREAU CHRESTIEN 89

Et du petit bergeret qu'elle alaicte.

0 Pan, grand dieu, j'ay solide mémoire

Que quand nous deux voulions manger ou boire,

Ou que la nuit estendoit son manteau

Dessus Phebus, qui rend Tair cler et beau,

Je Tenseignois, et toute sa mesgnie.

Disant ainsi : « 0 chère compaignie.

Exaltons Pan, qui par vertu divine

Par tous les lieux de ce monde domine,

Et lequel fait par ses divines grâces

Que nous ayons en tous temps brebis grasses;

Lequel de nous a toujours un tel soing,

Que de nos parez tout danger met au loin. »

Puis, par souhait à Marion disois :

« Pleust or à Pan que mon fils de six moys, Ton bergeret que tu vas nourrissant, Fust pour porter la musette puissant!

Certes, en luy tel labeur je prendrois, Que bon joueur de fleutes le rendrois, Ou de haultbois et musette rustique, Pour au grand Pan faire loz et cantique. »

Voylà, ô Pan, mon unique désir.

Que je faisois en mes parcs à loysir ; Voylà Tesbal où plaisir je preuois, Quand à repos avec elle j'estois Dedans le cloz, ô Pan, que m'as preste Pour habiter en hiver en esté.

Mais maintenant la chance est bien tournée, Car j'ay laissé Marion esplorée Dedans son parc, où l'humble pastourelle Fait (j'en suis seur) lamentable querelle. J'ay délaissé par les herbeux pasiis Beufz et brebis et leurs aigneaux petis ; J'ay délaissé par les champs, davantage, îles douze beufz servans au labourage.

Or de ces cas, dont ton bergier petit Ores t'a fait le sommaire récit.

N'en y a un, à parler court et brief, Qui luy soit plus intolérable et grief Que veoir à l'œil le trespileux massacre Que faux pasteurs font eu ton temple sacre :

90 LACOMPLAINCTE

De veoir aussi les actes inhumains

Que chacun jour commettent de leurs mains

En iceluy, n'ayans aucun esgard

A toy, ô Pan, qui jettes ton regard

Sus tous mortelz, et en toute saison

Regardes tout de tahaulte maison.

Las! quantesfois j'ay veu de mes deux yeulx De ces pasteurs les faits séditieux !

Las! quantesfois soubs saincte couverture, Aux aignelets ont faict tort et injure. O quantesfois de ma loge petite J'ay regardé leur ci-uauté mauldicte, Et quantesfois sous moyen feinct et beau Je les ay veu saccager le troupeau.

Duquel, ô Pan, feignent le soiug avoir ! Mais leur semblant ne tend qu'à décevoir.

Ce sont renards qui sous simples habits Vont dévorant les plus tendres brebis.

Ce sont des loups qui les troupeaux séduisent Du droict chemin, et à mal les induisent ; Ce sont voleurs qui dans le toict champestre Ne sont entrez sinon par la fenestre.

Dont sus troupeaux par moyens tresiniques Vont exerçant leurs damnables pratiques.

Certes, s'il faut icy ramentevoir La moindre part des cas que j'ay peu veoir, J'en pourrois tant ores narrer et dire, Qu'un jour entier ne pourroit pas suffire A les compter ; puis ma voix rauque et casse Empescheroitque bien ne les contasse.

Mais si ne puis je, ô vray Pan, mon seul dieu. Me contenir que ne die en ce lieu, Et que ma voix ne recite et prononce Ce dont l'esprit me vient faire semonce. Ay je pas veu les manières perverses De ces pasteurs, et traffiques diverses ? Ay je pas veu par plus de cents journées Leurs tons malins et damnables menées ? Ay je pas veu, estant au verd bosquet. Leur dangereux et frauduleux caquet, Dont les troupeaux à pleine venue d'œil

Dl'N PASTOUREAU CHKKSTIEX 91

Ils decevoient, qui m'estoit un grand dueil ?

Trop plus souvent que je n'eusse voulu,

J'ay veu comment ton sainct temple ont poilu.

Alors disois bassement à par moy :

« Pan, mon grand dieu, veoit bien ce dcsarroy, Et de là hault il recorde et contemple Ce que ces gens vont faisant en son temple ; Mais quelquesfois (disois je) il adviendra Que de leurs faicts meschans luy souviendra. Lors on verra que son braâ grand et fort Sur ces pasteurs monslrera son effort. »

Mais toutefois, dont je me donne esmoy, Ce temps pendant (tu Tas mieux veu que moy, Et toy tout seul es valable tesmoing).

De leurs troupeaux ne prennent meilleur soing, Ains, comme on voit, par chacun jour empirent Et contre toy detractent et conspirent.

En lieu d'appaist et bonne nourriture, Hz vont donnant esventée pasture A leurs troupeaux ; et, dont croist mon chagrin, Leur vont donnant la paille pour le grain, Dont le troupeau, de soy gras et alaigre, Par tel appaist devient chetif et maigre.

Las 1 qui seroit le berger qui pourroit Se contenir, quand telz cas il verroit ? Seroit il pas à toy trop infldelle.

Voyant tels cas, s'il n'en faisoit querelle ? Seroit il pas à toy traistre et parjure. S'il ne blasmoit le forfait et injure Que vont faisant contre toy et les tiens Ces faux pasteurs, en ces parcs terriens ? Car de l'ennuy qu'au maistre l'on procure, Le bon servant la pluspart en endure.

Pastres je voy lesquels grand dueil en font. Et en soupirs leur povre cueur en fond ; Voy mes compaings, lesquels ont de coustume Faire grans plaints de pareille amertume ; Voy pastoi.ireaux ensemble ramassez, Pour pareils cas bannis et deschassez De leurs rampars, de leurs cloz et logettes Par ces pasteurs, plus cruels que les Gelhes.

92 LA CO.MPLAI.NCTE

Et est ce pas, ô Pan, fureur terrible De n'estre point aux pastoureaux loisible Chanter de toy et de ton divin nom, Pour par nos champs accroistre ton renom ? Ne sont ce pas deffenses trop estranges De prohiber annoncer tes louanges Parmy les champs, ou en temple sacré, Comme je sçay que bien te vient à gré ? Las ! tant ont fait ces pasteurs par leurs loix, Que maintenant on n'entend une voix, Qui de ton loz ose parler et bruire ; Car tels pasteurs soudain fairoient détruire Et mettre à mort cil qui entreprendroit Parler de toy, et mal luy en prendroit.

A ce propos ma musette pendue Est à un croc inutile rendue ; Musette dy, laquelle au moindre son Soulois jadis dresser une chanson, Que je sonnois d'un si ardent coui'age. Qu'à ce hault son ceux de nostre village Sailloient plus dru, plus legier et plus viste Que ne fait pas le lièvre de son giste, Quand par veneurs et courantes levrieres Est poursuivy en ces larges bruyères, Et au rondeau auquel pastres dansoient.

Sans y viser promptement se lançoient.

Et sçais tu bien, ô Pan, leur promptitude Vient d"un bon cueur, et de fervente esiude Qu'ils ont en eux pour tousjours t'honorer, Et avec moy ton sainct nom décorer.

Mais maintenant nos harpes et musettes, Nos flageoUets et douces espinettes Sont à repos, et plus n'y a celuy D'entre bergiers, qui osast aujourd'huy Une chanson sur la harpe sonner.

Et en ton loz la musette entonner.

0 puissant Pan, de ton hault lieu regarde Ces cas piteux, et à venir ne tarde Donner secours à tes simples brebis Et tes troupeaux errans par les herbis De ces bas lieux, qui sans cess« t'invoquent,

d'un pastoureau C h II e s T I e n 93

Et à pitié etmercy te provoquent.

Si tu entens par grâce singulière Mon oraison et treshumble prière, Que je te fais, ô Pan, je te promets Que ce bienfaict n'oublieray jamais, Ains mes compaings de ce j'avertiray, Et ce grand bien par tout je publieray.

Pastres alors de chacune contrée Feront entre eux une gaye assemblée.

Pour ce grand bien et heureuse nouvelle Qui leur repos et aise renouvelle :

D'autre costé, gracieuses bergieres A te louer se montreront legieres, Et (qui plus est] gras beufz en brameront, Et par plaisir brebis en besleront ; Oyseaux du ciel de differens plumages Te rendront loz en leurs beaux chantz ramages.

Et quant à moy, qui de ce te requiers. Je te promets n'estre point des derniers A te louer, ains soudain ma musette Je reprendray, en quoy tant me délecte ; Car me priver de la sienne armonie Ce m'est oster le seul bien de ma vie.

Est ce mal faict, puisque le bruit et son Qui d'elle part ne rend autre chanson Fors que de toy, et sonner ne s'amuse Sinon tes loz ma tendre cornemuse ?

Mon flageolet, à un chesne pendu, Sera aussi promptement despendu, Puis d'iceluy par mesure de doigts Je jetteray un haut son par les bois, Au bruit duquel Nayades et Naphées Délaisseront leurs sources estouppées ; Pastres aussi viendront ce son ouyr, Pour avec moy pleinement s'esjouyr.

Alors, ô Pan, le moindre et plus bas son Que je rendray vaudra une chanson Faicte à ton loz, que te presenteray, Et d'un grand cœur au temple chanteray.

Or sus, esprit : temps est que donnes cesse A ta douleur et fascheuse tristesse ;

94 LA COMPLAINXTE D'uN PASTOrREAU CHRESTIEN

Langue, fay fin à Ion piteux parler, Car ce jourd'huy il me convient aller Coucher là hault vers ceste haulte roche ; Oultre. je sens la nuict qui fort s'approche. Pastres je voy ez prochaines prairies, Oui leurs brebis meinent ez bergeries, Et par les champs ne voy aucun berger Oui pour la nuit ne s'en voyse héberger.

Puis je connois par ce chesne tremblant Oue Pan mon dieu me monstre bon semblant, Dont à mon cœur ferme joye est rendue Puisqu'il a jà ma prière entendue.

LE BALLADIN