DIALOGUE DE DEUX A M O U H E U X

Compte moy qu'ilz sont devenuz.

Se faict il plus rien de nouveau ?

LE SECOND

Si faict: mais j'en ay le cerveau

Si rompu et si altéré,

Qu'en eifect j'ay délibéré

De ne m'y rompre plus la teste.

LE PREMIEK.

Pourquoy cela?

LE SECOND

Que tu es beste!

Ne sçais tu pas bien qu'il y a Plus d'un an qu'Amour me lya Dedans les prisons de m'amye ?

LE PREMIER

Est ce encor de Barlhelemye La blondelette ?

LE SECOND

Et qui donc?

Ne sçais tu pas que je n'euz onc D'elle plaisir ny un seul bien?

Nenny vrayement, je.n'en sçay rien :

Mais si tu m'en eusses parlé, Ton affaire en fust mieux allé.

Croy moy, que de tenir les choses D'amours si couvertes et closes, Il n'en vient que peine et regret.

Vray est quil lault estre secret, Et seroit l'homme bien coquart Qui vouldroit appeller un quart ; Mais en effect il lault un tiers.

Demande à tous ces vieilz routiers, Qui ont esté vrays amoureux.

LE SECOND

Si est un tiers bien dangereux, S'il n'est amy Dieu sçait combien.