AU ROI

Le sainct Esprit estoit sa CaUiope , Son Pamassus , montaigne à double croppe , Fut le sommet du hault ciel eristalHn:. Finablement son nrisseau cabalin De grâce fîit la fontaine profonde, Ou a grans traictz il beut de la claire unde Dont il devint poète en un moment Le plus profond dessoubz le firmament : Car le subject qui la plume en la main Prendre luy feit , est bien autre qu'bumain.

Icy n'est pas l'aventure d'Enee, Ne d'Achilles la vie démenée.

Fables n'y sont plaisantes mensongères , Ne de mondains les amours trop }egeres : Ce n'est pas cy le poète escrivant.

Au gré du corps à l'esprit estrivant.

Ses vers divins, ses cbansons mesurées, Plaisent, sans plus, aux ame^ bien heurees , Pource que là trouvent leur doulx amant Plus ferme et clair, que nul vray diamtaiit: Et que ses faictz, sa bonté, et son prix Y sont au long recitez et compris.

Icy sont donc les louenges escriptes Du roy des roys, du Dieu des exercltes, Icy David le grand prophète Hebrieu Nous chante et dit quel est ce puissant Dieu

190 ÉPITRE

Qui de berger en grand roy Perlgea, Et sa houlette en sceptre luy changea.

Yous y orrez de Dîeu la pure loy Plus clair sonner , qu'argent de fin alloy : Et y verrez qnelz maulx et biens adviennent A tous ceulx là qui la rompent et tiennent.

Icy sa voix sur les réprouvez tonne.

Et aux esleuz toute asseurance donne, Estant aux uns aussi doulx et traictable , Qu'aux autres est terrible et redoubtable. Icy oyt on l'esprit de Dieu , qui crie Dedans David , alors que David prie :

Et faict de luy ne plus ne moins que Êiict De sa musette un bon joueur par&ict Christ y verrez par David figuré, Et ce qu'il a pour noz maulx enduré . Voyre mieulx painct^ mille ans ains sa venue Qu'après la chose escripte et advenue Ne le paindroient, qui est cas bien estrange, Le tien Janet , ne le grand Miquel l'Ange.

Qui bien y lit, à congnoistre il apprend, Soy et celluy qui tout veoit et comprend : Et y orra sur la harpe chanter , Que d'estre rien , rien ne se peult vanter : Et qu'il est tout en ses faictz. Quant au reste Fort admirable icv se manifeste ,