AU GENERAL PREVOST

Je l'ay receu, ton gracieux envoy, Trèscher seigneur, te promettant en foy D'homme non fainct que leu et regarde L'ay plusieurs foys, et si sera gardé.

Tout mon vivant, parmy toutes les choses Que j'ay au cueur par souvenir encloses, Que je crains perdre, et dont j'ay cure et ëoing.

Ce tien escript, certes, sera tesmoing A tousjours mais de Tamytié ouverte Laquelle m'as de si bon cueur offerte Que la reçoy : et par ceste présente, De mcsme cueur la mienne te présente.

Bien il est vray que la tienne amytié Passe en pouvoir la mienne de moytié; Mais de retour je t'offre le service, Qui ne fauldra de faire son office En et par tout où vouldras l'employer.

Et sur ce poinct voys ma lettre ployer, Pour me remettre aux choses ordonnées Que pour t'escrire avoye abandonnées.