DE LA MORT DE MONSIEUR DE CHISSAY

D'un coup d'estoc, Chissay, noble homme et fort, L'an dix et sept soubz malheureux effort Tomba occis au moys qu'on semé l'orge.

Par Pomperan, qui de Bouchai et Lorge Fut fort blessé, quoy qu'il resistast fort.

Chissay, beau, jeune en crédit et support, Feit son debvoir au combat et abord ; Mais par hazard fut frappé en la gorge D'un coup d'estoc.

Dont un chascun de dueil ses lèvres mord, Disant : « Helas ! l'honneste homme est il mort? Pleust or à Dieu et monseigneur sainct George Que tout baston eust esté en la forge, Alors qu'il fut ainsi navTé à mort D'un coup d'estoc.