DE LA MAL MARIÉE OUI NE VŒULT FAIRE AMY

Contre raison Fortune l'es voilée Trop lourdement devers moy est voilée.

Quand, pour loyer de ma grand'loyaulté, Du mien espoux je n'ay que cruaulté, En Heu d'en estre en mes maulx consolée.

Or d'autre amy ne seray je accollée.

Et aymerois mieulx estre décollée Que desloialle à sa desloialté Contre raison.

La fleur des champs n'est sechée et foulée Q'en temps d'y ver; mais moy, povre afïollée, Pers en tout temps la fleur de ma beauté. Hélas ! ma mère, en qui j'ay privante. Reconfortez la povre désolée Contre raisop.

DE l'inconstance d'ysabeau (1525)

Comme inconstante et de ciieur faulse et lasche,

Elle me laisse. Or, puis qu'ainsi me lasche,

A vostre ad vis, ne la doys je lascher !

Certes ouy; mais autrement fascher

Je ne la veulx, combien qu'elle me fasche.

Il luy fauldroit (au train qu'à mener tasche) Des serviteurs à journée et à tasche; En trop de lieux veult son cueur attacher. Comme inconstante.

Or, pour couvrir son grand vice et sa tache, Souvent ma plume à la louer s'attache : Mais à cela je ne veulx plus tascher.

Car je ne puis son maulvais bruyt cacher Si seuremcnt qu'elle ne le descache Comme inconstante.