DE JOUAN, FOL DE MADAME

Je fuz Jouan sans avoir femme.

Et fol jusque à la haulte game; Tous folz, et tous Jouans aussi, Venez pour moy prier icy, L'un après l'autre, et non ensemble.

Car le lieu seroit (ce me semble) Un petit bien cslroict pour tous; Et puis s'on ne parloit tout doulx, Tant de gens me rômproient mon somme.

Au surplus, quand quelque sage homme Viendra mon epitaphe lire, J'ordonne, s'il se prend à rire, Qu'il soit des folz maistre passé :

Fault il rire d'un trespassé?

T. 1. sa