VU DE FRERE ANDRÉ, CORDELIÉR

Cy gist qui assez mal preschoit, Par ces femmes tant regretté, Frère André, qui les chevauchoit Comme un grand asne desbaté.

DE .^IAISTRE pierre DE VILLIERS

Cy gist feu Pierre de Villiers.

Jadis fin entre deux milliers, Et secrétaire de renom De Françoys premier de ce nom.

Si sagement vivre souloit, Que jamais estre ne vouloit (Combien qu'il fust vieil charié) Prebstre, ne mort, ne marié, De peur qu'il ne chantast l'office.

De peur qu'il n'entrast en service, Et de peur d'estre ensevely. Et de faict, je tiens tant de ly, Ou au moins par tout le bruict a, Que des trois, les deux évita.

Car jamais on ne le vcit estro Au monde marié Ile prebstre; Mais de mort, ma foy je croy bien Qu'il l'est depuis ne sçay combien.

Les deux il sceut bien eschapper.

Mais le tiers le sceut bien liapper, Mil cinq cens un et vingt et quatre; Non pas happer, mais si bien batre,

Qu'il dort encore icy dessoubz De ses péchez soit il absoubz.