AU CHANCELIER DU PRAT, NOUVELLEMENT CARDINAL

Si ofi&ciers en l'Estat seurement Sont tous couchez fors le povre Clément, . Qui comme un arbre est debout demeuré.

Qu'en dictes vous, prélat treshonoré?

Doibt son malheur estre estimé offense?

Je croy que non, et dy pour ma deffense. Si un pasteur qui a fermé son parc Treuve de nuyct loing cinq ou six traictz d'arc Une brebis des siennes esgarée, Tant qu'il soit jour, et la nuyct séparée, En quelque lieu la doit loger et paistre. Ainsi a faict nostre bon Roy et maistre, Me voyant loing de l'Estat jà fermé, Jusques au jour qu'il sera dcflfermé.

Ce temps pendant, à pasturer m'ordonne.

Et pour trouver plus d'herbe franche et bonne, M'a adressé au pré mieulx fleurissant De son royaume ample, large et puissant.

Là. sans argent, je rithmaille et compose, Et quand suis las, sur ce pré me repose, Là où le trèfle en sa verdeur se tient, Et OM le lys en vigueur se maintient.

Là je m'attends, là mon espoir je fiche, Car si scellez mon acquict, je suis riche. Raison me dit, puis que le Roy l'entend, Que le ferez. Mon espoir, qui attend, Me dit après, pour réplique finale.

Que de la grand' dignité cardinale Me sentiray. Car, ainsi que les roys De nouveau mis en leurs nobles arroys Mettent dehors en pleine délivrance Les prisonniers vivans en espérance, Ainsi j'espère, et croy certainement.

Qu'à ce beau rouge et digne advenement Vous me mettrez (sans différence aucune) Hors des prisons de Faulte de pecune.

Puis qu'en ce donc tous autres precellez. Je vous supply (trèsnoble Pré) scellez Le mien acquict : pourquoy n'est il scellé? Le parchemin a long et assez- lé :

Dictes, sans plus : « Il faut que le scellons, » Scellé sera sans faire procès longs,

S'on ne le veult d'adventure sceller.

Je puis bien dire (en efïect) que c'est l'aer. L'eau, terre, feu qui tout bon heur me cèlent, Considéré que tant d'autres se scellent. Mais si je touche argent par la seelleure. Je beniray des foys plus de sept l'heure, I.e chancelier, le seau et le seelleur Qui de ce bien m'auront pourchassé l'heur.

C'est pour Marot, vous le congnoissez ly; Plus legier est que Volucres Cœli, Et a suyvy long temps chancellerie Sans proufî&ter rien touchant .seellerie : Brief, Monseigneur, je pense que c'est là Qu'il fault sceller, si jamais on scella; Car vous sçavez que tout acquict sans seel, Sert beaucoup moins qu'un potage sans sel.

Qu'un arc sans corde, ou qu'un cheval sans selle.

Si prie à Dieu, et sa tresdoulce Ancelle, Que dans cent ans, en santé excellent, Vous puisse veoir de mes deux yeulx scellant.