AUDICT SEIGNEUR POUR SE PLAINDRE DU TRESORIER PREUDHOMME

Puissant prélat, je me plains grandement Du trésorier qui ne veult croyre en cire, En bon acquict, en exprès mandement, En Robertet, n'en Françoys, nostre Sjtc; Si ne sçay plus que luy faire, ne dire, Fors peindre Dieu en mon acquict susdict : Adonc, s'il est si preudhomme qu'on dict, Il y croira, car en Dieu fault il croire, Encor ay paour que Dieu ne soit desdit. Si ne mettez l'homme en bonne mémoire.