DAMOYSELLES HABILLÉES EN AMAZONES

EN UNE MOMMERIE

Penthazillée , royne des Amazones, à Marguerite, royne de Navarre.

J'ay entendu, très illustre compaigne,

Que contre toy se sont mys en campaigne

Les haulx quantons du lac pharisien.

Par quoy soudain du camp Elisicn

J'ay laict sortir troys de mes damoyselles.

Pour te monstrer le plus grand de mes zelles.

Qui est d'oyr nouvelles briefvcment

De la deffaicte et prompt definement

De ceste race inu tille et contraire

A ce bon Christ, lequel me vint retraire Hors des Enfers, lorsqu'il y descendit, Et a repos en ce lieu me rendict.

C'est luy pour vray, tant libéral et large, Oui m'a donné expressément la charge De depescher ces trois nymphes armées, Que Dieu son père a faictes et formées. L'une est Fealle, et l'autre c'est Charité, L'autre Espérance. O noble Margueritte, Veulx scavoir que la moindre feroit En ung besoing? Tout un camp deferoit.

Mays vraye amour de si près les assemble Que fault toujours qu'elles voysent ensemble. Or les reçoy, car en effaict, ce sont Celles qui tant de force et puissance ont Qui n'est maling qui ne fuie ou se rende. J'eusse l)ien mys au camp toute ma bande : Mays ces troys cy, croy moy, sont assez fortes Pour des Enfers rompre les doubles portes. Regarde donc de ces petitz humains Qu'elles feront, s'ilz tumbent en leurs mains : Heureux seront, tant sont elles prisées. Faict et escript aux beaulx champs Elisées.

SUSCRIPTION

Lettres prenez le chemin seur Devers Marguerite, ma sœur.

XLH