A ALEXIS JURE, DE QUIERS EN PIEDMONT

Amy Jure, Je te jure Que désir, Non loysir, J'ay d'escrire.

Or de dire Que tes vers Me sont verts, Durs, ou aigres, Ou trop maigres, Qui l'a dit A mesdict :

Toutesfoys Je m'en voys Dire en sens Que j'en sens.

Ton vouloir Faict valoir Tes escripts, Que j'ay pris En gré comme- Si docte homme Chastelain, Ou Alain.

Les eust faicts.

De leurs faicts Sans reproches Tu n'approches; Mais il fault Ton dcffault Raboter, Pour ester

Les gros nœudz Lourds et neufz Du langage Tout ramage, Et que limes, Quant tu rithmcs, Tes mesures Et césures.

Alors maistre Pourras estre, Car ta veine N'est point vaine; Mais d'icelle Le bon zèle D'amytié La moytié Plus j'estime Que ta rithmc.

Qui un jour A séjour Sera faicte Plus parfaicle.

Cependant, Attendant Que te voye, Je t'en voye Jusque en France Asseurance Que je quicrs Congnoissance D'un de Quiers.

Ët>ISTRES 211