GREGORIUS PP. XVI

DILECTE FILI , SALUTEM ET APOSTOLICAM BENEMCTIONEM.

Quod de tua in nos et Apostolicam Sedem fide pollicebamur nobis , id demùm te peregisse lœti conspeximus humili simplicique declaratione, quam per venerabilem fratrem nostrum Bartholomaeum Cardinalem Episcopum Ostiensem ad nos perferendam curasti. Benediximus quidem Patri luminum , à quo est tanta haec consolatio , quam verè dicimus cum Psalmistâ secundùm multitudïnem dolorum laetificasse animam nostram. *

Paternae bine charitatis viscera , affectu quo possumus maximo, dilatamus ad te, dilecte Fili, ovantesque in Domino gratulamur tibi veram nunc et plenam pacem indepto , ex illius liberalitate qui salvat humiles spiritu, et eos repellit qui secundùm elementa mundi sapiunt , non secundùm scientiam quse ex ipso est. Haec quippe illustrior, haec vera Victoria est quae vincit mundum, perennemque tuo nomini gloriam pariet, nullis te humanis rationibus abductum, nullaque insidiantium hostium machinatione detentum.