XXXI

Lettre du roy Charles IX a u seigneur de Bourdeille.

Escrite le 13 de may 1574.

Monsieur de Bourdeille, j'ay veu la difficulté que vous faites que mes subjects ne puissent acquitter les quinze mille livres portées par la commission qui vous a esté cy-devant envoyée, et les remonstrances que vous leur avez faictes en cest endroict, procédant du zel le et affection que vous avez tousjours monstré à mon service; estant bien fasché que je ne les en puis soulager du tout ; et le désirerais de bon cœur pour la pitié et compassion que j'en ay. Mais je suis tant surchargé d'affaires; qu'il faut nécessairement qu'un chascun s'efforce de m'ayder à la nécessité, asseuré que, cest oraige passé, je suis en très-bonne volunlé de les descuarger le plus qu'il me sera possible.

Vous avez entendu , par mes dernières, que je desirois après que vous aurez pourveu à ce qui se présente de plus pressé de de là , que vous me vinssiez trouver, me voulant servir de vous icy, et vous retenir près de moy. An

D'ANDRÉ DE

moyen de quoy je vous prie, après que vous aurez satisfaict à ce que vous jugerez plus expédient et nécessaire pour mondict service, de vous y disposer; advertissant le sieur de Losse, ou le sieur de La Vauguyon , que j'ay commis en son lieu , ayant mandé audict Losse de me venir aussy trouver , de ce que vous jugerez importer mondict service.

Estant bien ayse que ceux de Sarlac se soient rendus maistres de la ville, et qu'ils ayent refusé l'entrée à celuy qui s'en estoit auparadvant saisi , je m'asseure qu'il y sera si bien pourveu, qu'ils ne retomberont en cest accident.

Pour le regard de la commission que vous desiriez pour faire le dénombrement d'hommes capables de porter les armes, c'est chose à quoy il a desjà esté pourveu , et dont j'ay escrit à tous les gouverneurs de mes provinces, partie desquels ont jà satisfaict à mon intention.

J'escris au sieur de Ruffec pour ne travailler, le sieur de Sainct-Mesmes se contenant en sa maison suivant mes edicts, et à luy encor du contentement que j'en ay. Partant je vous prie leur faire tenir mes lettres, qui est tout ce que vous aurez à présent de moy, après avoir prié * le Créateur vous avoir, monsieur de Boordeille, en sa saincte garde.

Escrit au chasteau de Vincennes le 13 ma y 1674. Charles.

Et plus bas, Fizes.

Lettre de la rejme mère au seigneur de Bourdeille.

Escrile le 13 de may 1574.

Monsieur de Bourdeille, le roy, M. mon fils, satisfait de rcsponse à vos dernières lettres, et désire que, après que vous aurez pourveu de là à ce que vous pourrez juger appartenir au bien de son service, que vous le veniez trouver, ayant faict estât de vous retenir près de luy. Je vous prie de vous disposer â l'en satisfaire, et je prieray le Créateur, monsieur de Bourdeille, vous avoir en sa saincte et digne garde.

Escrit au boys de Vincennes le 1 3 may 1674.

Catherine.

Et plus bas, Fizes.