M. DE LA

Branthome , qui escrips et fais ce livre , certainement je puis bien dire que j'ay eu ma part des mescognoissances de M. de La Noue aussy bien que les autres; car je me puis vanter qu'il n'a eu pas un de ses amys qui l'ait plus servy durant sa prison, ny plus sollicité, ny pris mieux la parolle pour luy, que moy, et , n'en desplaise à feu M. de Strozze , son intime amy, qui n'en osa jamais parler au roy ny à autres grands , comme moy ; et que si encor M. de La Noue veut dire la vérité, il pourra confesser comment un soir, en se voulant retirer du Louvre fort tard , quelque temps advant qu'il allast en Flandres, l'ambassadeur d'Espaigne , qui avoit bien sceu comment il vouloit aller là faire quelque chose qui ne valoit guieres, contre le roy son maistre, ayant dressé une fricassée et une partie pour le faire tuer, en allant de là l'eau au fauxbourg Sainct-Germain , en son logis , et luy en ayant sceu l'advis très-certain , il ne fut accompaigné d'aucuns que de moy et mes gens , encore qu'il eust là des amys; mais ils firent les sourds et recreus ; et le menay sain et seur en sondict logis delà l'eau , sans qu'on osast nous attaquer nullement, encor que nous irouvasmes quelques gens de rencontre, qui n'estoient là pour bien faire. Enfin je pense qu'il n'a trouvé amy plus fidèle que moy, ny qui luy ait plus aydéet servy, ny durant , ny dehors sa prison.

Pour rescompense, en estant hors, il vint à la cour pour faire la révérence à son roy et luy parler des conditions de sa liberté; et moy, n'y estant pas pour lors , ne me fit qu'envoyer des simples recommandations par M. du Preau , aujourd'huy gouverneur de Gliastelleraud , que j'ay nourry page, fort brave et vaillant jeune homme , et bien accomply en plusieurs vertus, et qui a conquis son gouvernement par son espée. Il est vray qu'il luy dit que , mais qu'il se fust recognu et revenu à soy, estant encore tout estonné en France , qu'il m'escriroit et me remercieroit des offices que luy avois faicts en prison ; mais ç'a esté celuy-là duquel despuis n'ay sceu aucunes nouvelles, suivant en cela son naturel. Si faut-il que je l'excuse pourtant , et que je die de luy qu'il ne luy faut imputer cette imperfection à défectuosité de coeur, car il n'en fut oncques un si noble et généreux ; mais tel est-il nay, et aussy que le grand zelle qu'il portoit à sa religion luy avoit tellement atteint l'ame, qu'il