NOUE

eust oublié toutes choses pour la servir et maintenir , ainsy que plusieurs autres religieux de ceste mesme ordre comme luy en ont faict de mesmes, jusqu'à oublier le respect des pères et mères qu'ils leur doibvent; non que je les veuille tous comprendre en général soubs cette règle et opiniastreté d'heresie, car il y en a prou qui ne Pont observée.

Entre lesquels j'en ay cognu un qui estoit un gentilhomme du Languedoc, brave et vaillant s'il en fut oneques , nommé M. de Gremian, qui fut celuy qui prit Aigues-Mortes, le roy estant en Avignon à son retour de Poulogne , et à sa barbe, et à sa plus grande colère, qu'il vouloit du tout exterminer ceux du Languedoc , pour l'inimitié qu'il portait à M. de Montmorency. Je l'ay veu autrefois cornette de M. d'Acier, lorsqu'il mena cette grande trouppe de gens de guerre à M. le prince en Xainctonge. Ge M. Gremian donc, encor qu'il fust jeune fou, scalabreuxet huguenot à bander et racler, et ennemy mortel des catholiques, si est-ce qu'il porta tel respect et honneur à son pere, que jamais il n'entreprit guerre là où il t*çavoit son pere M. de Gremian ( qui estoit aussy un brave et vaillant gentilhomme) estre en présence. Si bien qu'une fois ayant entrepris sur une ville du Languedoc, dont ne me soubviens du nom, et de faict l'ayant prise par escallade , ainsy qu'il entrait dans la place de la ville, il sceut que son pere estoit dans ladicte place, qui rallioit ses gens pour rembarrer ses ennemys : aussy tost ayant sceu que le pere estoit là , il ramassa ses gens , et les en retourne par le mesme chemin qu'ils estoient tous venus , disant qu'il aymeroit mieux mourir que se trouver en aucun endroict où il pourrait nuire à son pere le moins du monde , ou à son honneur ou à sa vie; et par ainsy se retire, encor que son pere ne lespargnast point là où il pouvoit luy faire guerre ; non pourtant qu'il ne l'aymast comme pere, mais il estoit si bon catholique, qu'il fermoit les yeux à tout , ce que ne faisoit pas le fils, du moins à l'endroict de son père ; en quoy il est fort à louer, autant pour cela que pour ses vaillantises. Je croy qu'il est encor en vie et dans Aigues- Mortes, qu'il a fort bien gardé despuis encontre plusieurs entreprises; car c'est une des aussy fortes villes de France, et d'aussy grande conséquence.

QUATRIESME DISCOURS

J'ay Faictceste disgressiou pour servir de tin, et pourtant, estant venue â propos, je ne l'ay voulu o ublicr , car possible une autre foisne m'en fusse-je pas souvenu si bien ; et , en matière descrire, il faut prendre les traicts de la plume, soit au bond , soit à la volée, ainsy qu'ils vien-

nent, sans en perdre l'occasion , car elle ne se recouvre quand on veut ; aussy que la mémoire tergiverse si deçà , si delà , qu'elle ne vient pas tousjours au gistc comme l'on veut. Voicy donc la fin de ce discours que je crains eslre par trop long.

CINQUIESME DISCOURS

D'AUCUNES RETRAICTES DE GUERRE