MADAME DE CARNAVALET

Madame de Carnavalet , vefve deux fois , refusa d'espouserM. de La Valette le jeune, au eommaneement de sa grande faveur, qui en estoit si espris d'amour, comme certes elle estoit une très-belle veufve, et bien aimable, que, ne pouvant tirer d'elle ce qu'il eust très-bien désiré, la pourchassa et pressa de l'espouser, et luy en fit parler trois ou quatre fois par le roy; mais jamais ne voulut se remettre en une subjection de mary; car elle avoil esté maryée deux rois : l'une avecques le comte de Montravel , et l'autre avecques M. de Carnavalet. Et, quand ses plus privés amys , et mesmes moy qui luy estois fort serviteur , luy remonstroient la faute qu'elle faisoit de refuser un si grand party , qui la mettroit dans le fin fonds et abysme de la grandeur, des biens, des richesses, de la faveur et de toutes dignités, veu ce qu'estoil La Valette, le plus favory du roy, qui le tenoit pour un second soy-mesme, elle respondoit : que tout son contentement ne gisoit pas en tous ces points, mais en sa resolution et pleine liberté et satisfaction de soymesme , et en la mémoire de ses marys , dont le nombre l'en avoit saoulée.