Henri IV

laume de Saxe’, qui longtemps demeura en France couronnel de cinq mille lansquenetz; et advant luy M. de Guyze, Claude de Lorraine, fut couronnel d’autant, en la battaille de Marignan et au camp de Fontarabie et de Navarre. J’en parle ailleurs.

Il y eut aussi le bon capitaine Sébastian Belgeberq qui avoit très-bien servy le roy François ; et au commancement du règne du feu roy Henry’, pensant aller jusques en sa maison en Allemaigne, et jouyr du bénéfice de la paix, l’empereur, qui mortellement liayssoit ceux qui servoient la France, le fit prendre prisonnier, et publiquement luy fit trencher la teste à Auguste’, en présence des ellecteurs et grandz d’Allemaigne, pour avoir esté au service du roy ; et prononça après publicquement le bourreau, tenant sa teste en la main et l’espée sanglante en l’autre, que l’empereur en fairoit faire de mesmes à quiconque iroit servir le roy. Ce fut un très-grand dommage, et le roy le regretta grandement, car il l’avoit tousjours très-bien servy en titre de couronnel de cinq enseignes de gens de pied.

L’empereur en eust bien faict de mesmes au conte de Reintgrave*, s’il l’eustpeu attrapper, mais il s’engarda bien d’y aller, et puis se marya en France à la femme de feu M. de Cursol, velve très-belle, sage et honneste, grande et fort riche, estant sortye et par-