Meslier , néflier

2. Parmaille ou pale-maille , jeu de mail, de l’italien palamaglio.

SUR LES DUELS

en mesme instant luy donna encore un vilain coup de son baston sur le front, dont il en fit playe et sang; mais Jacotin qui estoit plus puissant que l’autre, poursuivit si bravement sa bataille qu’il abat Mahuot par terre, bouche contre bas, et aussitost luy sauta sus et luy creva les yeux , et puis luy donna un si grand coup de son baston, qu’il l’assomma et le mit soudain hors de la lice (il use de ce mot pour dire hors du camp) et puis fut1 condamné par les juges à estre mené au gibet, et là pendu. Ainsi fut ce combat qu’on verra plus au long escrit dans lesdits Mémoires dudit messire Ollivier.

Nous lisons dans les annales de France’, que du temps du roy Charles VI , le seigneur de Carrouges par arrest de la cour de parlement de Paris, à faute de preuves du crime, combattit en camp-clos un gentilhomme nommé le Gris, pour l’honneur de sa femme que ledit Gris avoit forcée en son absence, luy estant allé outre-mer en Terre Saincte. La dame estant venue à l’espectacle du combat, dans un charriot, le roy l’en fit descendre l’en jugeant indigne, puisqu’elle estoit criminelle (grande pitié pourtant) jusques à la preuve de son innocence, et la fit monter sur un eschaffaut, attendant la miséricorde de Dieu , et la faveur des armes qui lui furent et à l’un et à l’autre si secourables , que le sieur de Carrouges vainquit son ennemy et luy fit le tout confesser, et aussitost le fit pendre à une potence qui estoit là dressée, et la dame absoute et fort glorifiée. J’ay veu