Moucles, de l’italien muscioto, moules

falloit attaquer de si grosses escarmouches, qu’ilz en achaptoient le manger bien cher, et par mortz et par blessures et beaucoup de peines, comme m’ont dict force soldatz en mesme lieu, que j’y fus deux ans après, avec la revne d’Escosse.

Mondict sieur de Martigues y acquist la gloire d’eslre un très-brave eouronnel et fort vaillant. Aussi avoit-il de fort bons et braves capitaines, comme le jeune Sypière qu’y fut tué , frère à ce brave M. de Sypière, dont la race en est très-bonne, et les greffes en doibvent estre songneusement gardez en France, comme de bons fruictz en un jardin

Il y avoit aussi le capitaine ïa Chaussée qu’y fut tué; le capitaine Lagot, dont j’ay parlé cv-devant; le capitaine Cabannes, que nous avons veu despuis un très-bon et sage capitaine parmy nos bandes; le capitaine Favas; le capitaine Saincte-Marye, Cossains, n’avant point de compaignie, mais des capitaines entretenus de M. de Martigues; le capitaine Sainct- Jehan, de Dauphiné, despuis escuyer de Monsieur et puis1 nostre roy; bref, un’infinité de plusieurs autres bons capitaines que je n’aurois jamais faict de les descrire.

Pour lin, ce siège fut levé par l’ambassade de M. de Randan, dont je viens parler, qui fut envoyé par le roy François IIe en Angleterre, où il monstra qu’il estoit seigneur très-universel et pour la paix et pour la guerre, ayant adjoinct avec luy Mgr l’évesque de Vallence’, frère de M. de Mon tl ue, un très-