Voyez plus haut, p

SUR LES DUELS

va nlage : j’en fairois le conte, mais il seroit trop long, et ne serviroit pas trop icy. Le voilà donc aux vespres de la mort, car le roy et le roy de Poulloigne crioient qu’il meure; mais M. le prévost de Paris son frère1 2, qui tenoit en son logis pour lors les principaux de l’ambassade des Poullonnois, s’advisa de les prier pour son frère, et demander aux deux roys sa vie, ce qu’ils firent; et estois en la chambre du roy de Poulloigne quand ils vinrent^ où je les vis haranguer tout en latin , très-éloquamment et avec telle passion et affection, que le rov fut fort empesché à leur respondre leur requeste qu’il n’accorda sur le coup, mais leur donna grande espérance. M. de Tou premier président, qui l’avmoit fort, prist aussi son party et remonstra aux roys que , s’ils eussent faict mourir Gounellieu et Millaud, les deux meurtriers de ses frères, infailliblement il devoit mourir; mais ne l’ayant faict , il falloit que la lov fust esgalle et qu'il eust sa grâce et pardon comme les autres. Enfin par temporisement, sollicitations et prières, son procez demeura en suspens. Cependant le roy de Poulloigne (qui estoit son principal persécuteur) s’en va en son voyage : l’on fait son procez à la voilée ; son pardon et grâce luy fut donnée et bien interinée. Le voylà pourmener par la ville de Paris et à la cour, mieux que jamais bien venu et arregardé de tout le monde. Le roy tourné de Poulloigne, le baron luy faict la révérence, mais M. du Gua qui estoit in-

1 . Antoine du Prat , seigneur de Nantouillet , prévôt de Paris depuis 1553.