Humbert Ier et Amédée V

DISCOUR

héraut : « Mon amy, dis à ton maistrc, que la force « et la vertu d’un prince, ne consiste point en force « corporelle, et que s’il se veut tant vanter d’estre « fort, nerveu et robuste, je luy respons que je n’ay « torreau qui ne soit plus fort et roide que luy; parce quoy quand il s’y voudra esprouver, je luy en « envoyeray. Et quant à l’armée, dis-luy que s’il est « bien pourveu et fourny à ceste heure de gens, que « je le seray un’autre fois à mon tour, et puis je « l’yray trouver là par où il sera; » ce qu’il fit au bout de quelque temps, et luy donna la venue, et luy deffit toute son arrière-garde, chargée de butin, qui se retiroit. Ceste histoire on la trouve dans la Chronique de Savoye1. Voilà comment le gallant se deffit du cartel à luy envoyé, auquel pourtant devoit respondre par faict d’armes, puisque le comte le louoit et le tenoit si homme de bien qu’il n’y faudrait’. Toutesfois s’il fut un peu offaneé par le reffus, il le rabilla un peu par la deffaicte qu’il fit en la victoire qu’il eut, car enfin les grands en quelque sorte qu’ils obtiennent victoire ils acquièrent honneur et louange; mais pourtant le camp accepté l’eust honnoré davantage parmy les gallans cavalliers, et me semble qu’il fit une quasi semblable response que fit Corbane à ces braves seigneurs françois croisez de jadis en la Terre-Sa incte, lesquels tenant Antioche assiégée, où eux estans plustost assiégés qu’assiégeans, à cause de la misère du long siège, de la famine, de la fatigue, et incommodité

1 . Voyez Chronique de Savoye, par Paradin, ]iv. II, ch. lxxxix, 1561, in-fol., p. 167.