Voyez. Pantagruel, livre II, ch

de MM. le vidasme de Maligny et de Beauvays la

Nocle1.

A ce siège, chascun y alla suivant le roy et la reyne mère, qui y allarent en personne , et monstrèrent le chemin à MM. les princes et M. le connestable; et M. le prince de Condé y amena beaucoup de sa noblesse huguenote, qui ne s’y espargna non plus que les autres.

M. l’admirai n’v alla point, et s’excusa sur quelques raisons; mais la principalle, qu’il ne dist pas, estoit qu’il ne vouloit desplaire à la reyne d’Angleterre, de laquelle il avoit tiré plaisir et faveur et quelque argent pour la guerre, mais non tant qu’on dirait bien.

M. Dandelot n’y alla non plus, et s’excusa sur quelques reliques de sa fiebvre quarte qu'il avoit raporté de l’Allemaigne quelque temps avant, lorsqu’il amena le mareschal de Hessen, avec ses reistres et l’avoit tousjours gardée ou peu ou prou; et mesme le jour de la battaille de Dreux estoit le jour de son exez’; et le passa ainsi, son cheval luy servant de lict, et ne laissant pour cela de faire tout devoir et acte ce jour là de bon couronnel, fors qu’il ne tint poinct le rang et ne se mit à pied ; car il estoit si foible qu’il ne se potivoit soubstenir; mais il commandoit à cheval, et alloit de battaillons en battaillons, de rangs en rangs, disant et monstrant ce qu’il faloit faire; mais ilz ne le creurent et firent très-mal .

1 . Jean de Latin, seigneur de Beauvais (ou Beauvoir) la Nocle. Il avait épousé Béraude de Ferrières, soeur de Jean de Ferrières , seigneur de Maligny, vidame de Ch;ytres, mort après 1606.