En

COURONNELS FRANÇOIS. 95

du temps des Romains et autres empires et règnes , et que, de nos temps, MM. de Bourbon et marquis de Pescayre, si grandz et exe lia ns capitaines, avoient failly, voire l’empereur Charles, en son voyage de Provanee.

Voylà comment le monde discouroit sur ceste entreprise vaine de M . d’Espernon , la tenant pour vaine.

D’autres disoient et affermoient que c’estoit armé de bon et à bon escient, et que, sans un pettard qui tarda à venir, la ville estoit sienne; car desjà ell’ estoit toute en peur. Je m’en rapporte à ce qui en est.

Un’ autre belle expédiction qu’il a faict, c’est ceste citadelle, ou plustost bastille ou forteresse, ou blocqus (on l’appellera eomm’ on voudra, car c’est prévenir 1 autrement le nom de citadelle, qui le veut bien deschifirer) qu’il fit devant Aix ’ : car, voyant ne la pouvoir avoir par force, à cause du peu de gens qu’il avoit pour expugner et assiéger une telle place, où il y avoit tant de gens de bien, d’honneur et de valeur dedans, il advisa d’y bastir et construire ceste citadelle, pour les tenir en bride, les affamer et faire venir à composition. Et de faict, la bastit à leur barbe, nonobstant les belles sorties que tous les jours ceux de dedans faisoient sur les siens : œuvre certes très-admirable, et qu’un plus grand et plus puissant que luy n’eust sceu faire. Et si ce grand empereur Fédéric* a esté loué et admiré pour avoir basty une