Coudre , coudrier. — 2. Catherine de Mcdicis

Il faut passer cela pour dire qu’au siège de Metz ce seigneur se fit fort remarquer par les sorties qu’il y fit, et mesmes en une qu’il fit sur les Allemans du costé du Pont- aux -Mores , laquelle se trouve par escrit en l’histoire de nostre temps*.

Si faut- il que j’aille remémorer une, à cause du stratagème gentil qu’il usa, ainsi que le camp de l’empereur deslogea de là devant et se retiroit avec sa très-grande perte, misère et confusion; car, ayant faict mener quelques barques sur le grand chemin de Théonville, et luy s’estant accommodé avec quelques autres en passager ’, luy, qui sçavoit parler espagnol comme son françois (et de ce temps rarement parmy nous ce langage estoit peu commung), comme pauvre basteiller convioit ces pauvres soldatz espaignolz de passer la Mosselle, leur faisant accroyre que le duc d’Albe l’avoit là envoyé et commis pour leur passage. Ces pauvres gens, las et harassez, le creurent, comm’ il estoit aisé, et aussi qu’ilz eussent pris tel party qu’on leur eust présenté, tant ilz en avoient besoing; ainsi en passa-il pour le moins trois cens, ayant mis sa compaignie en embuscade de-là l’eau; et amprès, ayant faict le signal à l’impourveu’, furent tous investis; mais à tous il leur fit mercy et grâce, et les envoya tous bagues sauves avec l’espée , fors l’arquebuz , et n’en retint aucun prisonnier, sinon un gentilhomme de la maison de l’empereur, et quelque page de sa chambre, et un

1. Voy. Paradin, Continuation de l’histoire de notre temps, 1556, in-fol. p. 209.