Voyez t. IV, p. 81. — 2. En

COURONNELS FRANÇOIS. 139

amplement, si je n’eusse eu d’autres discours à faire.

D’autres couronnelz y-a-il eu François, mais commandant ailleurs qu’en France, comme M. le mareschal d’Estrozze ; car, encor qu’il fust natif florentin, il le faut advouer comme naturel François, pour la fidelle loyauté qu’il a porté à la France et les bons services qu’il y a faictz ; aussi qu’il y estoit du tout habitué. A la guerre de Parme ', ledict seigneur Pierre Strozzi fut couronnel de l’infanterie, et le duc de Castres de la cavalier ie légère. 11 ne faut point s’enquérir comment ce seigneur fit bien sa charge, car il l’entendoit bien, d’autant qu’en capitaine simple, en couronnel et mareschal de camp, il l’avoit très-bien faicte du temps du roy François, et en Italie et en France; et aussi que, par l’art et les lettres qu’il avoit, il sçavoit et vouloit fort pratiquer ce qu’il avoit leu des guerres anciennes, tant romaines que autres. D’avantage il estoit un très-bon mathématicien et ingénieux, qui est bon à un couronnel pour prendre places.

En ceste guerre là, il s’y conduisit bravement et en brave couronnel, et n’y manquoit en chose du monde de son devoir; aussi avoit-il avec luy de trèsbons capitaines, lesquelz, tant à pied qu’à cheval, y servoient bien le roy, comm’ estoit le seigneur Cornelio Bentivoglio, le seigneur Paulo Baptiste Fregouse, et les seigneurs Santo-Petro Corso 1 et le brave vaillant Jehan de Turin; ces deux là faictz de la main de M. d’Estrozze et menez en France par luy. Ce bon