Mal arrestée^ inconstante, sans frein

coup, mais peu pour ses amours, ainsin que j'ay ouy discourir à ung grand de par le monde. Discourant de ce mesme propos sur une grande princesse dç. par le monde, et soustenant son party, disoit que ces belles et grandes dames et princesses, de mesme humeur en amour, debvoyent ressemljler le soleil, qui respand de sa lueur et de ses rayons à ung chacun de tout le monde, si bien qu'un chacun s'en ressent. Tout de mesmes doibvent faire ces grandes et belles, en prodiguant de leur beautez et de leur grâces à ceux qui en bruslent; aussi que voUontiers les charitez et aumosnes gënéralles, et qui se font à plusieurs, sont plus estimables et agréables que celles qui sont particulières, et qui ne se donnent qu'à ung ou à deux. Et par ainsin telles belles et grandes dames, qui peuvent beaucoup contenter le monde, soit par leur douceurs, soit par leur parolles, soit par leur beaux visages, soit par fréquentations, soit par infinies belles démonstrations et signes, ou soit par les beaux effectz, qui est plus à préférer, ne se doibvent nullement s'arrester à ung amour, mais à plusieurs ; et telles inconstances leur sont belles et permises, mais non aux autres dames communes, soit de court, soit de villes et soit de pays \ desquelles la douzaine n'en faict que la demie, et qui ne sont qu'à petit poidz , comme ces grandes qui sont à poidz de marc : et telles dames moyennes, faut que soient constantes et fermes comme les estoilles fixes, et nullement erratiques; que, quand elles se mettent à changer, errer et varier en amours, elles sont jus-