Ainsi se prennent les renards

cois, et fist mettre le roy son mary prisonnier dans le castel de l'Ovo * ; où estant , il trouva moyen de s'embarquer sur une nef genevoise qui, d'avanture, estoit là au port, et ayant accordé du pris, fut mené à Tarente , où estant , la reyne l'envoya assiéger : mais, pour ce qu'il ne la pouvoit tenir longuement, la randist et la quitta, et s'en alla en France, où s'adonnant à la relligion, acheva de passer le reste du monde.

Par tel exemple on peut congnoistre que peut une femme habille et de bon esprit, quand elle couve une vengeance, et aussi comme il en prend et en doibt-il prendre à ces petits compaignons de marys que aucunes dames leur font cest honneur, comme j'ay dict cy devant, de les espouser, les eslever, et les obliger de biens, de vies et d'honneurs, et puis sont si ingratz qu'ilz n'en font cas, les gourmandent, et, qui pis est, attantent sur leur vie. Telles gens ingratz méritent telz traictementz que ce roy Jacques, et pire.

J'ay leu dans l'hystoire de ce grand Ollivier de La Marche ^ qui estoit lors à Besançon et le vist quand ce roy s'i vint rendre cordelier, et dict qu'il se faisoit porter par quatre hommes en une civière.