Esjouyssance^ réjouissance

vertz et lambrissez d'or, qu'on avoit mis dessus avecques artifice merveilleux. Etn'estoit ceste maison royale embellie ny ornée de marbre, comme estoit par l'yvoire et les perles précieuses meslées parmy. L'agate s'y faisoit bien recognoistre surtout par son esclair* brillant (le latin de Lucain l'appelle nonsegnis achates). De mesmes en estoit le porphyre rougissant; la cornaline y estoit si abondante, qu'elle servoit de pavé et se foulloit aux pieds d'un chascun. Le bois exquis de l'ébenne égyptien ou indien ne couvroit ces grandz seuils des portes, mais servoit seulement pour soustenir la maison royale, non pour 1 embellir nullement, tenant lieu là d'un bois vil et vulgaire. L'yvoire indien couvroit entièrement le devant de la salle. Les escailles de la tortue indienne, incisées en lames, servoient fort d'ornement avecques les perles entremeslées par un merveilleux artifice et plusieurs esmeraudes colorées, accompaignées ensemble. Les grosses perles fines, et très-exquises, paroissoient de toutes partz sur les litz où l'on festinoit, lesquelz estoient tenduz d'un fin pourpre tyrien. Bref, tout y reluysoit. D'une autre part, les pavillons tyssuz en forme de plumes reluysoient extresmement à cause de l'or sursemé par dessus et des filetz variez et diversifiez de diverses couleurs, que les Egyptiens ont accoustumé de mettre en œuvre parmy leurs toilles quand ilz les tissent ; si que c'estoit chose fort belle à veoyr.

Or après, pour le service des tables, l'on y voyoit un grand nombre d'esclaves et de serviteurs de