INTERPRETATION

Nos prédécesseurs s'estant plustost ad visez de bien faire que de bien escrire, nous ont laissé de tout temps perdre la mémoire de plusieurs batailles et combatz divers desquelz les victorieux, si eussent estez autant fortunez à rencontrer historiographes qui les eussent amplement descrits comme ilz s'estoient passez^ et l'heur, d'autre costé, les eust voulu accompaigner de tout poinct, je ne veux faire aucun doubte qu'ilz ne fissent, non rougir, mais aller cacher ces fiers-à-bras imaginaires, qui, combattans et ayant donné seulement un coup d'espée sur les oreilles de leur ennemy, se trouvent leur avoir avalé un bras,, une espaule, une jambe, voire leur avoir fendu la teste jusques aux dentz.

Or, telz personnages sont grandement redebvables à leurs parrains, qui leur ont ainsy tenu le menton de peur qu'ilz ne se noyassent dans la mer d'éter-