Lardasses^ blessures (coups de lardoire

plus frais, plus gaillard, plus plein de cœur, voire plus animé qu'il n'estoit le matin, retourna pour la troisiesme fois à la chasse avecques son maistre, qui sV aheurtoit* quasi plus qu'il ne debvoit. Or, la fortune voulut qu'un grand cerf fust élancé du fort, qui fut tellement couru par ce chien, qui l'ayant finalement forcé de se jetter dans une grande eau etluy avoir sauté au col, après plusieurs et diverses morsures l'aterra" finalement, comme il avoit faict la sauvagine^ du matin : tellement que ce chien s'eschauffa de telle façon toute ceste journée là, n'ayant faict autre chose que courir et combattre, que s'estant rendu dans la maison de son maistre plein de gloire et de despouilles, estant tout en feu, et aussy qu'il estoit percé comme un crible des dagades* que le cerf luy avoit données, que haletant et tirant un pied de langue entre les jambes de son maistre, jouxte que c'estoit en esté, il mourut à la veue de celuy qui fut extresmement marry de ne l'avoir pu secourir. Tellement que, pour avoir recognu la bonté et grandeur du courage de son chien, il ne voulut jamais permettre que la charogne en fust portée à la voyrie, pour estre déchirée des chiens charoppiers^, ou bien des corbeaux, ains la fit enterrer en la sale où il couchoit, dessoubz son lict; et, non