SOI

dans la mer, en se retirant avec une perte de trois cens escus.

Ce blaphéme porta si grand malheur, que nous estant engoulphez en cedict goulphe, seize gallères qu’avoit ledict M. le grand prieur, coururent grande fortune, et cuydèrent quasi toutes périr. Mondict sieur le grand prieur ayant sceu après le blaphéme dudict capitaine, l’en tança très-aigrement, et qu’il n’y retournast plus, autrement il luy fairoit sentir : lequel il laissa en le voyant contrit et repentant, et que luy-mesme eut plus grand peur que tous les autres durant la tempeste. Il avoit raison; car Dieu s’en irrita , comme il fit paroistre. Du despuis il s’en corrigea, et le vis ne jurer ni blaphémer plus tant comme il faisoit : et, quand on luy en faisoit la guerre qu’il estoit devenu sage, il respondoit : La fortuna di Livorno mi fa ancora paura'.

Il serait besoing que Dieu quelquesfois donnast tout à coup ainsy des chastimens à ceux qui le jurent si exécrablement. Hz s’en corrigeraient, et les autres y prendraient exemple : car enfin ce n’est qu’une accoustumance aysée à s’en deffaire, ainsy que j’en ay veu l’expérience en plusieurs.

cipiter en quelque malheur; mais tu mentiras, car je ne jouerai plus.