Voyez Tite-Live, liv. XXI

sa vaillance, à sa eonduitte et à son gentil esprit et brave courage.

Froissarl racontant de la battaille de Nicopoly ', que donnèrent les Ongres et les François, dit que, parmy les François, il y eut deux escuyers de Picardie très-vaillans, qui, puis après, se peurent bien dire vrais chevalliers, Ilz s’estoient trouvez en maintes rencontres, et en estoient partis en leur honneur. L’un s’appelloit Guillaume de Bu 1 , et l’autre Le Borgne de Monquel. Ces deux donques, combattans par force d’armes et vaillance, passèrent outre les battailles, et retournèrent à la battaille par deux fois bravement et vaillamment, où ilz firent force apertises d’armes (ainsy parle-il) ; mais, voulant mourir en un si sainct conflit, se firent là tuer. Il est à présumer que, puisqu’ilz avoient ainsy passé et repassé par ces deux fois outre les baltailles en bien combattant, qu’ilz pouvoient faire une aussy honorable retraicte que là mourir. Voilà comment ces Romains ne firént pas si bien que ces deux François, encore pourtant qu’ilz soient fort à louer.

Or c’est assez de ceste matière et subject parlé.