Renée de Rieux. Voyez t. II, p

4. Françoise d’Orléans-Longueville, mariée en 1S0S à Louis I" de Bourbon, prince de Condé, morte le 1 1 juin 1 001 .

DES DAMES

Encor dit-on que l’habitation de telles femmes en est fort délicieuse, pour quelque certain mouvement et agitation qui ne se rencontre pas aux autres. Voilà la beauté du corps de cette reyne.

Pour celle de l’esprit, elle n’estoit pas moindre; car elle estoit très-vertueuse, sage, honneste, bien disante, et de fort gentil et subtil esprit. Aussi avoitelle esté nourrie par madame de Laval très-habille et accomplie dame, qui lui avoit esté donnée par le duc François son père pour gouvernante. Au reste elle estoit très-bonne, fort miséricordieuse et fort charitable, ainsi que j’ay ouy dire aux miens. Vray est qu’elle estoit fort prompte à la vengeance, et pardonnoit malaisément quand on l’avoit offensée de’ malice, ainsi qu’elle le monstra au mareschal de Gié, pour l’affront qu’il luy fist lorsque le roi Louis, son seigneur et mary, fust si fort malade à Blois, dont on le tenoit pour mort 5 . Elle, voulant pourveoir à son faict, en cas qu’elle vinst à estre vefve, fit charger sur la rivière de Loire trois ou quati’e bateaux de ses plus précieux meubles, bagues, joyaux et argent, pour les transporter en sa ville et chasteau de Nantes. Lediet mareschal, rencontrant les bateaux entre Saumur et Nantes, les fit arrester et saisir, comme par trop curieux de vouloir contrefaire le bon officier et bon vallet de la couronne; mais la fortune voulut que le roy, par les bonnes prières de son peuple, duquel il estoit le vray père, en eschapa.

1. Françoise de Dinaa, de la maison d’Albret, dame de Chateaubriand et de Laval.